جمہوریہ کانگو (ڈی آر سی) میں اقوام متحدہ کے امن مشن (مونوسکو) میں شامل پاکستان کے فوجی دستے اپنی ذمہ داریاں مکمل کرنے کے بعد ملک سے واپس چلے گئے ہیں جبکہ دوسرے ممالک سے تعلق رکھنے والے امن کار بھی مرحلہ وار ملک چھوڑ دینگے۔
شمالی کوریا پر عائد پابندیوں کی نگرانی کرنے والے ماہرین کے پینل کے کام کی مدت میں توسیع کے لیے سلامتی کونسل میں امریکہ کی پیش کردہ قرارداد کو روس نے ویٹو کر دیا ہے۔
گزشتہ برس دنیا بھر میں اقوام متحدہ کے عملے پر جنسی استحصال اور بدسلوکی کے 758 الزامات عائد کیے گئے۔ ادارے نے ایک جامع جائزے کا اہتمام کیا ہے جس سے ایسے واقعات کی موثر روک تھام میں مدد ملے گی۔
امدادی امور کے لیے اقوام متحدہ کے انڈر سیکرٹری جنرل مارٹن گرفتھس نے بتایا ہے کہ طبی وجوہات کی بنا پر وہ اپنا عہدہ چھوڑ رہے ہیں۔
سلامتی کونسل کے دس غیر مستقل ارکان کی طرف سے پیش کی گئی قرارداد میں غزہ میں فوری جنگ بندی اور یرغمالیوں کی رہائی کا مطالبہ کیا گیا ہے۔ کونسل کے پندرہ میں سے چودہ ارکان نے قرارداد کے حق میں ووٹ دیا جبکہ امریکہ نے رائے شماری میں حصہ نہیں لیا۔
اقوام متحدہ کے سیکرٹری جنرل انتونیو گوتیرش نے روسی دارالحکومت ماسکو کے کنسرٹ ہال پر دہشت گرد حملے کی سخت مذمت کی ہے جس میں کم از کم 40 افراد ہلاک اور 100 سے زیادہ زخمی ہوئے ہیں۔
فلسطینی پناہ گزینوں کے لیے اقوام متحدہ کے امدادی ادارے (انرا) کے اہلکاروں پر دہشت گردی میں ملوث ہونے کے الزامات کا جائزہ لینے والے غیرجانبدار تحقیقاتی گروپ کی عبوری رپورٹ سیکرٹری جنرل انتونیو گوتیرش کو موصول ہو گئی ہے۔
اقوام متحدہ کے سیکرٹری جنرل انتونیو گوتیرش نے جمہوریہ کانگو میں اقوام متحدہ کے امن مشن پر حملے کی مذمت کی ہے جس میں اس کے آٹھ اہلکار زخمی ہوئے ہیں۔
اقوام متحدہ کی جنرل اسمبلی نے مسلمانوں کے خلاف نفرت کی لہر پر قابو پانے کے لیے پاکستان کی جانب سے پیش کی جانے والی قرارداد منظور کر لی ہے جس میں دنیا کے ممالک سے کہا گیا ہے کہ وہ اس مسئلے سے نمٹنے کے لیے متفقہ اقدامات کریں۔
قیام امن اور سیاسی امور پر اقوام متحدہ کی انڈر سیکرٹری جنرل روزمیری ڈی کارلو نے بڑھتے ہوئے مسلح تنازعات اور غیرمعمولی بحرانوں کی موجودگی میں زندگیوں کو تحفظ دینے اور ترقی کے فروغ کی ہنگامی ضرورت پر زور دیا ہے۔
