مسلح گروہ ہیت تحریر الشام (ایچ ٹی ایس) شام کے سابق صدر بشار الاسد کی حکومت کے خاتمے کے بعد ملک میں سب سے بااثر فریق کے طور پر ابھرا ہے۔ اقوام متحدہ کی سلامتی کونسل اسے دہشت گرد تنظیم قرار دے چکی ہے۔
بشار الاسد کی حکومت کے خاتمے کے بعد شام غیر یقینی پر مبنی ایک نئے دور میں داخل ہو چکا ہے۔ اقوامِ متحدہ کا ایک اہم کردار یہ ہوگا کہ منظم انتقالِ اقتدار کے ذریعے مستحکم اداروں کی تشکیل یقینی بنائے اور 2011 میں شروع ہونے والی خانہ جنگی کے مختلف گروہوں اور دھڑوں کو قریب لانے کی کوششوں کو جاری رکھے۔
اقوام متحدہ کی جنرل اسمبلی نے غزہ میں جنگ بندی، یرغمالیوں کی رہائی اور فلسطینی پناہ گزینوں کے لیے امدادی ادارے (انروا) کو تحفظ دینے اور اسرائیل سے اس کے خلاف پابندی ختم کرنے کے مطالبے پر مبنی قراردادوں کی بھاری اکثریت سے منظوری دے دی ہے۔
اقوام متحدہ کے سیکرٹری جنرل انتونیو گوتیرش نے ہنگامی حالات کے لیے ادارے کے مرکزی فنڈ (سی ای آر ایف) کے لیے مالی وسائل کی فراہمی بڑھانے پر زور دیتے ہوئے کہا ہے کہ ان عطیات سے دنیا بھر میں زندگیوں کو تحفظ دینے میں مدد ملے گی۔
عراق کے لیے اقوام متحدہ کے خصوصی نمائندے محمد الحسن نے سلامتی کونسل کو بتایا ہے کہ حالیہ مہینوں کے دوران ملک نے کئی مثبت اقدامات اٹھائے ہیں اور مشرق وسطیٰ کے تنازع کا حصہ نہیں بنا لیکن بدعنوانی اور دیگر مسائل کی صورت میں اسے اب بھی کئی مشکلات درپیش ہیں۔
امدادی امور کے لیے اقوام متحدہ کے رابطہ دفتر (اوچا) نے آئندہ سال دنیا بھر میں 19 کروڑ لوگوں کی مدد کے لیے 47 ارب ڈالر فراہم کرنے کی اپیل کی ہے۔
اقوام متحدہ کی جنرل اسمبلی نے فلسطینی مسئلے کے پرامن حل، اقوام متحدہ کے سیکرٹریٹ میں فلسطینیوں کے حقوق سے متعلق شعبے کی افادیت اور اسرائیل پر گولان کے مسئلے کو بات چیت کے ذریعے حل کرنے پر زور دینے کی قراردادیں منظور کر لی ہیں۔
امدادی امور کے لیے اقوام متحدہ کے ادارے اوچا کے نئے سربراہ ٹام فلیچر نے بدھ کو خبردار کیا ہے کہ دنیا میں متعدد نہ ختم ہونے والے تنازعات، موسمیاتی تبدیلی اور بین الاقوامی انسانی قوانین کی صریح خلاف ورزیوں کی وجہ سے آئندہ سال 30 کروڑ سے زائد افراد کو اپنی زندگیاں بچانے کے لئے امداد کی ضرورت ہوگی۔
اقوام متحدہ کی جنرل اسمبلی کے صدر فائلیمن یانگ نے واضح کیا ہےکہ مشرق وسطیٰ میں امن و سلامتی طاقت یا قبضے کے زور پر ممکن نہیں بلکہ اس کے لیے بات چیت، باہمی احترام اور عالمی قانون کی بنیاد پر منصفانہ، جامع و پائیدار طریقہ ہائے کار سے کام لینے کا عزم درکار ہے۔
قیام امن اور سیاسی امور پر اقوام متحدہ کے اسسٹنٹ سیکرٹری جنرل میروسلاو جینکا نے خبردار کیا ہے کہ حالیہ دنوں یوکرین کی جنگ میں مزید شدت کے تشویشناک آثار دکھائی دے رہے ہیں اور ملک پر روس کے حملے کو بند کرانے کے لیے موثر کوششوں کی ضرورت ہے۔
