اقوام متحدہ کے سیکرٹری جنرل نے جنرل اسمبلی میں رکن ممالک سے کہا ہے کہ وہ پائیدار ترقی کے اہداف کو حاصل کرنے کی راہ پر واپسی کی کوششوں کی ''رفتار تیز کرنے'' میں مدد دیں۔
اقوام متحدہ کے امداد کاروں کا کہنا ہے کہ ترکیہ اور شام میں زلزلوں سے تباہی کا حجم بتدریج سامنے آ رہا ہے۔ انہوں نے متاثرین کی تلاش اور انہیں بچانے کی کوششوں میں اضافے اور تمام ضرورت مندوں کو تحفظِ زندگی کے لیے امداد کی فراہمی یقینی بنانے پر زور دیا ہے۔
اقوام متحدہ کے سیکرٹری جنرل انتونیو گوتیرش نے رواں سال کے لیے اپنی ترجیحات پیش کرتے ہوئے خبردار کیا ہے کہ وقت تیزی سے گزر رہا ہے اور دنیا تباہی کے دھانے پر ہے۔ اس سے پہلے کہ حالات بے قابو ہو جائیں، ممالک کو اپنی راہ تبدیل کرنا ہو گی۔
جنوبی ترکیہ اور شمالی شام میں سوموار کی صبح آنے والے بڑے زلزلے کے بعد انسانی بحران کے خدشات پیدا ہو گئے ہیں اور اقوام متحدہ کے امدادی ادارے تاحال ملبے تلے دبے لوگوں سمیت متاثرین کی مدد کے لیے کوشاں ہیں جن کی تعداد اطلاعات کے مطابق ہزاروں میں ہے۔
اِس ہفتے کو منائے جانے والے انسانی اخوت کے عالمی دن پر اقوام متحدہ کے سیکرٹری جنرل نے نفرت کے اظہار، فرقہ واریت اور نزاع کے بیچ ''امن کا اتحاد'' قائم کرنے کے نئے عزم پر زور دیا ہے۔
کیلیفورنیا کے رہائشی سولہ سالہ کیلیانک ایلیک ’کیل‘ کی دیرینہ خواہش تھی کہ وہ نیو یارک میں اقوام متحدہ کے دفتر کا دورہ کریں۔ حال ہی میں ’میک اے وش فاؤنڈیشن‘ نے کیل کے اس خواب کو تعبیر دے دی جب ان کے لیے اقوام متحدہ کے صدر دفتر کے دورے کا خاص طور پر اہتمام کیا گیا۔ اس دورے کے دوران فرانس کے سفیر اور اقوام متحدہ کے ایک اعلیٰ عہدیدار ان کے ساتھ رہے۔
اقوام متحدہ کی نائب سیکرٹری جنرل امینہ محمد نے اقوام متحدہ کے وجود میں آنے کی اصل وجہ 'امن' کو اس کی بنیاد کے طور پر برقرار رکھنے کے لیے کہتے ہوئے سلامتی کونسل کو خبردار کیا ہے کہ ادارے کے اس مقصد کو اب ''سنگین خطرہ لاحق ہے۔''
امریکہ میں شہری حقوق کے آنجہانی رہنماء اور نوبیل امن انعام یافتہ مارٹن لوتھر کنگ جونیئر کی یاد میں وفاقی تعطیل کے موقع پر درجنوں ممالک سے تعلق رکھنے والے بچوں نے جنرل اسمبلی کے صدر سے ملاقات کی اور اقوام متحدہ کے دفاتر کا دورہ کیا۔
اقوا متحدہ کے سیکرٹری جنرل انتونیو گوتیرش نے کہا ہے کہ قانون کی حکمرانی کو ہر طرح کے بین الاقوامی تعاون اور کثیر فریقی طریقہ کار سے مؤثر طور پر کام لینے میں مرکزی اہمیت حاصل ہے اور یہ پوری اقوام متحدہ کی ''بنیاد'' ہے۔
سلامتی کونسل کے ایک ہنگامی اجلاس میں بتایا گیا ہے کہ اقوام متحدہ اسرائیل کے قومی سلامتی کے نئے وزیر کی جانب سے یروشلم میں متنازع مقدس مقام کے دورے سے مشرق وسطیٰ میں بڑھنے والے تناؤ کو کم کرنے کی کوششوں میں مدد کے لیے تیار ہے۔
