اقوام متحدہ کے سیکرٹری جنرل انتونیو گوتیرش نے کہا ہے کہ دنیا کی نصف آبادی ایسے ممالک میں رہتی ہے جنہیں صحت و تعلیم کے بجائے اپنے قرض کی ادائیگی پر زیادہ مالی وسائل خرچ کرنا پڑتے ہیں اور یہ صورتحال ترقیاتی اعتبار سے تباہی کے مترادف ہے۔
اقوام متحدہ کے پانچ اداروں کی جانب سے جاری کردہ ایک جائزے کے مطابق کووڈ۔19، متواتر موسمی آفات اور مسلح تنازعات بشمول یوکرین کی جنگ کے باعث گزشتہ سال دنیا بھر میں 78 کروڑ 30 لاکھ لوگوں کو بھوک کا سامنا تھا۔
عالم یوم آبادی پر اقوام متحدہ کے سیکرٹری جنرل انتونیو گوتیرش نے اپنے پیغام میں کہا ہے کہ آٹھ ارب افراد پر مشتمل انسانی خاندان پہلے سے کہیں بڑا ہو چکا ہے تاہم دنیا کے رہنماؤں کو تمام لوگوں کے لیے پُرامن اور خوشحال زندگی یقینی بنانے کی کوششوں میں ناکامی کا سامنا ہے۔
حکومتوں، سول سوسائٹی اور نجی شعبے کے شراکت دار سوموار کو نیویارک میں اقوام متحدہ کی معاشی و سماجی کونسل کے اجلاس میں اکٹھے ہوئے جس کا مقصد پائیدار ترقی کے 17 اہداف کے حصول کی کوششوں کو دوبارہ درست راہ پر ڈالنے کی فوری ضرورت سے نمٹنا ہے۔
اقوام متحدہ کے عالمی موسمیاتی ادارے (ڈبلیو ایم او) کے ماہرین نے کہا ہے کہ دنیا بھر میں سطح سمندر کے درجہ حرارت نے امسال مئی، جون اور جولائی میں ریکارڈ بلندی کو چھوا جبکہ ال نینو کی گرم ہوتی موسمی کیفیت کا ابھی آغاز ہی ہوا ہے۔
پائیدار ترقی کے لیے 2030 کے پُرعزم ایجنڈے کے حصول کی جانب نصف وقت طے ہو نے پر اقوام متحدہ کے رکن ممالک، اختراع کار اور بااثر شخصیات سوموار ادارے کے ہیڈکوارٹر میں جمع ہیں جہاں معاشی و سماجی کونسل وبا کے بعد ہونے والی ترقیاتی کوششوں پر مبنی اپنی تازہ ترین رپورٹ پیش کرے گی۔
امیکا، گریس اور صوفیہ سے ملیے جو اقوام متحدہ کے زیراہتمام 'مصنوعی ذہانت برائے بھلائی' کے موضوع پر ہونے والی عالمی کانفرنس میں شریک ہیں۔ اس کانفرنس کا آغاز جمعرات کو جنیوا میں ہوا تھا۔
اقوام متحدہ کے سیکرٹری جنرل انتونیو گوتیرش نے کہا ہے کہ تمام انسانیت کی بھلائی کے لیے مصںوعی ذہانت کی ترقی انسانی حقوق، شفافیت اور احتساب پر مبنی حفاظتی اقدامات کا تقاضا کرتی ہے۔
اقوام متحدہ کی کانفرنس برائے تجارت و ترقی (انکٹاڈ) نے خبردار کیا ہے کہ اگر دنیا نے ترقی پذیر ممالک کو قابل تجدید توانائی کی جانب منتقلی کے لیے سرمایہ کاری میں 2 ٹریلین ڈالر سالانہ کی کمی کو پورا کرنے میں مدد نہ دی تو ماحول دوست مستقبل ناقابل رسائی رہے گا۔
اقوام متحدہ کے ادارہ برائے خوراک و زراعت (ایف اے او) کے ڈائریکٹر جنرل کو ڈونژو کو بھاری اکثریت کے ساتھ دوبارہ ادارے کا سربراہ منتخب کر لیا گیا ہے۔
