پائیدار ترقی کے اہداف

دنیا میں سب سے زیادہ آلودگی پھیلانے والی صنعتوں کی جانب سے گرین ہاؤس گیسوں کے اخراج میں کمی کے بارے میں مذاکرات اور اس مسئلے پر قابو پانے کے طریقوں کا تبادلہ، موسمیاتی انصاف کے متواتر مطالبات اور موسمیاتی تبدیلی سے بری طرح متاثرہ ترقی پذیر ممالک کی مالی مدد اقوام متحدہ کی موسمیاتی کانفرنس کاپ 27 میں جمعے کی کارروائی کا نمایاں حصہ تھے۔

اِس سال دنیا بھر میں خوراک کی درآمد پر اٹھنے والے اخراجات تقریباً 2 ٹریلین ڈالر تک پہنچنے یا سابقہ اندازوں سے زیادہ رہنے کی توقع ہے۔ یہ بات اقوام متحدہ کے ادارہ برائے خوراک و زراعت (ایف او اے) نے جمعے کو شائع ہونے والی اپنی ایک رپورٹ میں کہی ہے۔

آئندہ ہفتے دنیا کی آبادی آٹھ ارب ہو جائے گی جسے اقوام متحدہ کے سیکرٹری جنرل ''سائنسی کامیابیوں اور غذائیت، صحت عامہ اور نکاسی آب کے شعبوں میں آنے والی بہتری کا ثبوت'' قرار دیتے ہیں۔

بینروں، پوسٹروں، میگا فون اور خاص طور پر سائنسی و معاشی حقائق پر مبنی اور دل کو جھجھوڑ دینے والے پیغامات لیے نوجوان  جمعرات کو کاپ 27 کے انعقاد کے مقام پر پھیل گئے اور مذاکرات کاروں سے مطالبہ کیا کہ وہ موسمیاتی تبدیلی سے ترقی پذیر ممالک کو ہونے والے نقصان کے ازالے کا مسئلہ حل کریں۔

موسمیاتی تبدیلی افریقی نوجوانوں کی تقریباً نصف تعداد کو بچے پیدا کرنے کے خیال پر نظرثانی کے لیے مجبور کر رہی ہے جس سے بحران کا شکار دنیا کے مستقبل کے بارے میں ان کی غیریقینی کیفیت واضح ہوتی ہے۔ یہ بات اقوام متحدہ کے بچوں ادارے یونیسف کی جانب سے کرائے گئے ایک عالمی جائزے سے سامنے آئی ہے۔

یو این کلائمیٹ کنونشن کے سربراہ نے کہا ہے کہ موسمیاتی تبدیلی پر شرم الشیخ میں ہونے والی اقوام متحدہ کی کانفرنس میں دنیا کو اپنی توجہ انسانیت کو درپیش بڑے مسائل پر قابو پانے کے طے شدہ منصوبوں پر عملدرآمد کی جانب منتقل کرنی چاہیے۔

کاربن کا اخراج اونچے درجے پر برقرار رہنے کی صورت میں دنیا کے بعض حصوں میں انسانی صحت پر موسمیاتی تبدیلی کا اثر کینسر سے دو گنا زیادہ مہلک ہو سکتا ہے۔ یہ بات اقوام متحدہ کے ترقیاتی پروگرام (یو این ڈی پی) اور کلائمیٹ امپیکٹ لیب کی جانب سے جمعے کو جاری کردہ نئی معلومات میں بتائی گئی ہے۔

یونیسکو کے ایک نئے جائزے کے مطابق دنیا کے چند مشہور ترین گلیشیئر 2050 تک کرہ ارض سے غائب ہو جائیں گے۔ اس جائزے میں عالمی ثقافتی ورثے میں شامل گلیشیئروں کے تیزرفتار پگھلاؤ پر روشنی ڈالی گئی ہے۔

آپ کہاں جائیں گے اگر پانی کی کمی اور خشک سالی نے آپ کی فصلوں کو تباہ کر دیا ہے۔ یہ ایک ایسی صورتحال ہے جس سے ہر سال لاکھوں موسمیاتی مہاجرین کا پالا پڑتا ہے۔

اقوام متحدہ کی سالانہ موسمیاتی کانفرنس مصر کے ساحلی شہر شرم الشیخ میں منعقد ہو رہی ہے۔ اس کا انعقاد ایسے وقت میں ہو رہا ہے جب پوری دنیا کو غیرمعمولی موسمی حالات کا سامنا ہے، یوکرین میں جنگ کے نتیجے میں توانائی کا بحران جنم لے رہا ہے اور سائنسی اعدادوشمار سے واضح ہے کہ دنیا کاربن کے اخراج پر قابو پانے اور زمین کے مستقبل کو تحفظ دینے کے لیے خاطرخواہ اقدامات نہیں کر رہی۔