امن اور سلامتی

سوڈان میں ریپڈ سپورٹ فورسز (RSF) اور سوڈانی مسلح افواج (SAF) کے درمیان دارالحکومت خرطوم اور گردونواح میں لڑائی شروع ہونے کے بعد سے اب تک سینکڑوں افراد ہلاک اور ہزاروں زخمی ہو چکے ہیں۔ ان دگرگوں حالات میں رہنے والے بہت سے خاندانوں کو خوراک کے شدید عدم تحفظ کا سامنا ہے۔ بنیادی اشیائے خوردونوش کی قیمتیں آسمان کو چھو رہی ہیں، خواتین اور بچے تشدد کا نشانہ بن رہے ہیں اور اندرونی طور پر بے گھر ہونے والوں کی تعداد میں مسلسل اضافہ ہوا ہے۔ آئیے اس وڈیو میں جانیے سوڈان کے بحران سے متعلق پانچ اہم حقائق۔

اقوام متحدہ کے سیکرٹری جنرل نے خبردار کیا ہے کہ 1945 میں مرتب ہونے والے اقوام متحدہ کے چارٹر میں بیان کردہ انسانی وقار اور آزادی کی اقدار کو اس قدر خطرہ کبھی نہ تھا جتنا کہ آج ہے۔

اقوام متحدہ کے سیکرٹری جنرل انتونیو گوتیرش نے کہا ہے کہ سوڈان میں مسلح تنازعے اور بڑھتی ہوئی انسانی تباہی سے ملک اور خطے میں مزید غارت گری ہونے سے پہلے لڑائی کا فوری بند ہو جانا ضروری ہے۔

اقوام متحدہ کے زیراہتمام قیام امن کی کارروائیوں کو 75 سال مکمل ہونے پر ایک نئی تصویری نمائش سوموار کو ادارے کے ہیڈکوارٹر میں شروع ہوئی جس میں قیام امن کے لئے کام کرنے والے فوجی و غیرفوجی اہلکاروں کی قربانیوں کو خراج تحسین پیش کیا گیا ہے۔

اقوام متحدہ سوڈان میں عسکری طاقت سے حصول اقتدار کی لڑائی کو فوری ختم کرنے کی اپیل کر رہا ہے. سیکرٹری جنرل انتونیو گوتیرش، افریقن یونین، عرب لیگ، مشرقی افریقی بلاک اور دیگر تنظیموں نے اس بحران پر جمعرات کو ورچوئل اجلاس کیا ہے۔

اقوام متحدہ کے سربراہ انتونیو گوتیرش ہر سال ماہ رمضان میں یکجہتی کے اظہار کے لیے کسی ایسے ملک میں جاتے ہیں جہاں پناہ گزینوں کی بستیاں آباد ہیں۔ وہ اس دوران روزہ رکھتے ہیں اور کسی مقامی خاندان کے ساتھ افطار کرتے ہیں۔

اقوام متحدہ کے سیکرٹری جنرل نے دہشتگردی پر قابو پانے میں کوشاں ممالک کے لیے اقوام متحدہ کی مدد کو واضح کرتے ہوئے سلامتی کونسل کو بتایا ہے کہ اگرچہ کوئی خطہ دہشت گردی سے محفوظ نہیں لیکن افریقہ کی صورتحال خاص طور پر تشویشناک ہے۔

اقوام متحدہ کے سیکرٹری جنرل انتونیو گوتیرش نے رمضان سے پہلے ایک ویڈیو پیغام میں کہا ہے کہ ان دنوں دنیا بھر کے مسلمان یہ مقدس مہینہ منا رہے ہیں جو ''مشترکہ انسانیت کے ناطے سے اکٹھا ہونے'' کا وقت ہے۔

اقوام متحدہ کے ادارہ برائے اطفال نے خبردار کیا ہے کہ فوری اقدامات نہ کئے گئے تو یمن میں لاکھوں لوگوں کو بھوک اور غذائی قلت کے پہلے سے کہیں زیادہ شدید خطرات کا سامنا کرنا پڑ سکتا ہے۔

انسانی حقوق سے متعلق اقوام متحدہ کے مقرر کردہ غیرجانبدار تفتیش کاروں کی جانب سے جاری تحقیقات کے تازہ ترین نتائج سامنے آنے کے بعد یوکرین میں روس کی افواج کو جنگی جرائم کے نئے الزامات کا سامنا ہے۔