'تہذیبوں کے اتحاد' کے 10ویں عالمی فورم میں دنیا بھر کے رہنماؤں نے امن کا عہد نامہ منظور کیا ہے جس میں اظہار نفرت اور غلط اطلاعات کا پھیلاؤ روکنے، مصنوعی ذہانت کو امن و آشتی کے لیے کام میں لانے اور مذاہب و معاشروں میں ہم آہنگی کو فروغ دینے کی بات کی گئی ہے۔
اقوام متحدہ کے انسانی حقوق کے دفتر اور افغانستان میں اقوام متحدہ کے معاون مشن(یونیما) کی جانب سے جاری کی گئی ایک مشترکہ رپورٹ میں افغانستان میں طالبان کے اقتدار کے بعد میڈیا کی آزادی کی سنگین صورتحال پر تشویش کا اظہار کیا گیا ہے۔
اقوام متحدہ کی نائب سیکرٹری جنرل امینہ محمد نے غزہ میں بگڑتے انسانی بحران کو ہولناک اور بلاجواز قرار دیتے ہوئے علاقے میں بلاتاخیر جنگ بندی اور تمام یرغمالیوں کی فوری و غیرمشروط رہائی کا مطالبہ کیا ہے۔
اقوام متحدہ کے ہائی کمشنر برائے انسانی حقوق وولکر ترک نے لبنان میں فوری جنگ بندی کے مطالبے کو دہراتے ہوئے کہا ہے کہ ملک میں اسرائیلی فوج کی کارروائیوں سے بڑے پیمانے پر جانی نقصان ہوا ہے اور تباہی کا یہ سلسلہ روکنے میں مزید تاخیر کی کوئی گنجائش نہیں۔
'تہذیبوں کے اتحاد' کا 10واں سہ روزہ عالمی فورم پرتگال کے شہر کیسکس میں جاری ہے جس کے پہلے روز سوموار کو نوجوانوں کے 150 سے زیادہ وفود نے دنیا کو امن، اتحاد اور کثیرالثقافتی ہم آہنگی کا پیغام دیا۔
عالمی ادارہ صحت (ڈبلیو ایچ او) نے شمالی غزہ کے کمال عدوان ہسپتال پر حملے روکنے کا مطالبہ کیا ہے جہاں اسرائیل کی کارروائیوں میں دو روز کے دوران ہسپتال کے ڈائریکٹر اور طبی عملے کے ارکان سمیت مزید 14 افراد زخمی ہو گئے ہیں۔
غزہ، لبنان، سوڈان، یوکرین اور دیگر جگہوں پر جنگیں ہو رہی ہیں، دنیا کے متعدد حصوں میں بھوک اور قحط پھیل رہا ہے جبکہ آن لائن و آف لائن نفرت، یہود مخالفت اور اسلامو فوبیا میں خطرناک اضافہ دیکھنے میں آ رہا ہے۔
مشرق وسطیٰ میں امن عمل کے لیے اقوام متحدہ کے نائب خصوصی رابطہ کار محمد ہادی نے کہا ہے کہ اگر فلسطینی مسئلے کے دو ریاستی حل کے امکان کو کمزور کیا گیا تو اس کے منفی اثرات ناصرف مشرق وسطیٰ بلکہ دیگر دنیا پر بھی مرتب ہوں گے۔
لبنان میں اقوام متحدہ کی عبوری امن فورس (یونیفیل) نے ملکی فوج پر اسرائیل کے حملوں کو باعث تشویش قرار دیتے ہوئے کہا ہے کہ ایسی کارروائیاں بین الاقوامی قانون کی خلاف ورزی ہیں۔
50 روز سے زیرمحاصرہ شمالی غزہ اسرائیل کی بمباری سے ملیامیٹ ہو چکا ہے۔ علاقے میں انسانی امداد کی رسائی ختم ہو گئی ہے اور پناہ کی تلاش میں بھٹکتے لوگوں کو ہر جگہ موت اور تباہی کا سامنا ہے۔
