امدادی امور کے لیے اقوام متحدہ کے رابطہ دفتر (اوچا) نے بتایا ہے کہ غزہ میں بے گھر لوگوں کی پناہ گاہوں کے طور پر استعمال ہونے والے کم از کم 11 سکول رواں مہینے حملوں کا نشانہ بن چکے ہیں جن میں تقریباً 100 افراد کی ہلاکت ہوئی ہے۔
پاکستان کے وزیراعظم محمد شہباز شریف نے کہا ہے کہ دہشت گردی سے لے کر موسمیاتی تبدیلی تک بہت سے مسائل میں جکڑی دنیا دوبارہ سرد جنگ کی لپیٹ میں جاتی دکھائی دے رہی ہے۔
اقوام متحدہ کے امدادی اداروں نے بتایا ہے کہ لبنان کے مسلح گروہ حزب اللہ اور اسرائیل کے مابین حالیہ کشیدگی نے بڑے پیمانے پر خوف و دہشت کو جنم دیا ہے اور آئندہ حالات اس سے بھی زیادہ خراب ہو سکتے ہیں۔
اسرائیل کے وزیراعظم بینجمن نیتن یاہو نے کہا ہے کہ اسرائیل کے دشمن اس کا اور انسانیت کی مشترکہ تہذیب کا خاتمہ کر کے جبر و دہشت کا راج چاہتے ہیں جبکہ ان کا ملک اپنے دفاع کی جنگ لڑتا رہے گا۔
لبنان کے وزیر خارجہ نے عبداللہ بو حبیب نے اقوام متحدہ کی جنرل اسمبلی کے مباحثے میں خطاب کرتے ہوئے کہا ہے کہ ان کے ملک میں جاری بحران فوری بین الاقوامی اقدامات کا تقاضا کرتا ہے اور اسرائیل کے حملوں سے پورے مشرق وسطیٰ میں لامتناہی جنگ شروع ہو سکتی ہے۔
برطانیہ کے وزیراعظم کیئر سٹارمر نے کہا ہے کہ غزہ سے یوکرین تک اور دیگر دنیا میں بیشتر امدادی ضروریات نے جنگوں سے جنم لیا ہے۔ اب وقت آ گیا ہے کہ عالمی برادری امن، ترقی اور مساوات کی جانب پیش رفت کرے۔
اقوام متحدہ کے سیکرٹری جنرل انتونیو گوتیرش نے کہا ہے کہ دنیا نے غزہ کے لوگوں کو مایوس کیا ہے اور فلسطینی پناہ گزینوں کے لیے اقوام متحدہ کا ادارہ (انرا) ہی اس جہنم زار میں جنگ سے تباہ حال لوگوں کی واحد امید ہے۔
فلسطین کے صدر محمود عباس نے کہا ہے کہ اسرائیل غزہ میں بڑے پیمانے پر نسل کشی کا ارتکاب کر رہا ہے۔ عالمی برادری اس کے خلاف پابندیاں عائد کرے اور اس سے اقوام متحدہ کی رکنیت واپس لی جائے۔
اقوام متحدہ کے امدادی اداروں نے کہا ہے کہ لبنان میں اسرائیل کی بمباری سے بچنے کے لیے ہزاروں افراد نقل مکانی کر رہے ہیں جہاں شام کے ساتھ سرحد پر ایک اور انسانی بحران جنم لے رہا ہے۔
فرانس کے صدر ایمانویل میکرون نے دنیا میں پائی جانے والی تقسیم پر افسوس کا اظہار کرتے ہوئے کہا ہے کہ اعتماد کی بحالی اور بحرانوں پر قابو پانے کے لیے موثر کثیرفریقی طریقہ کار کی اب پہلے سے کہیں زیادہ ضرورت ہے۔
