نسلی امتیاز کے خاتمے پر اقوام متحدہ کی کمیٹی (سی ای آر ڈی) نے پاکستان، ایران، عراق اور برطانیہ سمیت سات ممالک کی صورتحال پر تشویش کا اظہار کرتے ہوئے کہا ہے کہ وہ نسل کی بنیاد پر ہر طرح کی تفریق کے خاتمے کے کنونشن پر کماحقہ عملدرآمد میں ناکام ہیں۔
اقوام متحدہ کے دفتر برائے انسانی حقوق (او ایچ سی ایچ آر) نے کہا ہے کہ سری لنکا میں نئے یا مجوزہ رجعتی قوانین سے بنیادی آزادیوں کو خطرات لاحق ہیں اور ماضی میں ہونے والی انسانی حقوق کی سنگین پامالیاں دہرائے جانے کا خدشہ ہے۔
اقوام متحدہ کے امدادی اداروں نے غزہ کے سکولوں میں پناہ گزین لوگوں پر نئے حملوں کی مذمت کی ہے۔ امدادی ٹیموں نے خبردار کیا ہے کہ پانی کو صاف کرنے کے لیے درکار ضروری سازوسامان کی قلت کے باعث علاقے میں بڑے پیمانے پر سنگین بیماریاں پھیلنے کا خدشہ ہے۔
قیام امن کے لیے مددگار اقدامات پر اقوام متحدہ کی معاون سیکرٹری جنرل الزبتھ سپیہر نے کہا ہے کہ تنازعات کی روک تھام اور امن پر سرمایہ کاری میں متواتر کمی آ رہی ہے جبکہ تشدد سے گزشتہ برس ہی دنیا کو 20 ٹریلین ڈالر کا نقصان ہوا۔
افغانستان میں انسانی حقوق کی صورتحال پر اقوام متحدہ کے غیرجانبدار ماہر رچرڈ بینیٹ نے ملک میں اپنے داخلے پر پابندی اٹھانے کا مطالبہ کرتے ہوئے کہا ہے کہ طالبان کی جانب سے بنیادی حقوق پر جبر برقرار رکھنے کا عندیہ تشویش ناک ہے۔
میانمار کے تین علاقوں میں حکومتی افواج اور اس کی مخالف ملیشیاؤں میں جاری لڑائی شدت اختیار کر گئی ہے جس کے باعث بڑی تعداد میں لوگ نقل مکانی کر رہے ہیں۔
اقوام متحدہ کے امدادی اداروں نے خبردار کیا ہے کہ غزہ میں اسرائیلی فوج کی جانب سے لوگوں کے لیے انخلا کے متواتر احکامات کے باعث انہیں ضروری خدمات کی فراہمی بند ہو جانے کا خدشہ ہے۔
لیبیا میں اقوام متحدہ کے امدادی مشن کی سربراہ سٹیفنی خوری نے کہا ہے کہ ملک میں متحارب دھڑوں کے حالیہ یکطرفہ اقدامات سے سیاسی و معاشی استحکام متاثر ہوا ہے اور مذاکرات کے ذریعے سیاسی مسائل حل کرنے کی کوششیں ناکامی کے خطرے سے دوچار ہیں۔
لبنان کے لیے اقوام متحدہ کے امدادی رابطہ کار عمران رضا نے کہا ہے کہ اسرائیل کے ساتھ سرحد پر کشیدگی میں کمی لانے اور شہریوں کو تحفظ دینے کے لیے سیاسی و سفارتی بات چیت کی اشد ضرورت ہے جس میں مزید تاخیر کی گنجائش نہیں رہی۔
انسداد دہشت گردی میں انسانی حقوق اور بنیادی آزادیوں کے تحفظ پر اقوام متحدہ کے خصوصی اطلاع کار بین سول نے حکومتوں پر زور دیا ہے کہ وہ دہشت گردی کے متاثرین کو تحفظ اور ازالے کی فراہمی کے لیے موثر اقدامات کریں۔
