اقوام متحدہ کے سیکرٹری جنرل انتونیو گوتیرش نے ملائشین ایئرلائن کی پرواز ایم ایچ 17 کی تباہی کے ذمہ داروں کا محاسبہ کرنے کے مطالبے کو دہرایا ہے۔ اس پرواز کو 10 سال قبل مشرقی یوکرین میں مبینہ طور پر مار گرایا گیا تھا۔
غزہ میں اقوام متحدہ کے امدادی مرکز کے قریب اسرائیل کے متعدد حملوں میں درجنوں افراد ہلاک ہو گئے ہیں۔ علاقے میں لڑائی کی شدت میں کوئی کمی نہیں آئی اور ہزاروں لوگ جان بچانے کے لیے ایک سے دوسری جگہ نقل مکانی پر مجبور ہیں۔
عالمی سطح پر منقسم سیاسی منظر نامے کی عکاسی آج اقوام متحدہ کی سلامتی کونسل میں بھی ہوئی جہاں ارکان نے 'مزید منصفانہ، جمہوری اور پائیدار عالمی نظام کی خاطر کثیرفریقی تعاون' کے موضوع پر اجلاس میں ایک دوسرے کی پالیسیوں کو تنقید کا نشانہ بنایا۔
اقوام متحدہ کے دفتر برائے انسانی حقوق (او ایچ سی ایچ آر) نے کہا ہے کہ شمالی کوریا میں لوگوں سے منظم طور پر جبری مشقت لی جا رہی ہے اور اس مقصد کے لیے تشدد اور جھوٹے الزامات جیسے ہتھکنڈوں سےکام لیا جاتا ہے۔
اقوام متحدہ اور یورپی یونین کے امدادی حکام نےکہا ہے کہ ہیٹی میں مسلح جتھوں کے تشدد نے لوگوں کی زندگیاں تہ و بالا کر دی ہیں اور ملک کو درپیش کثیر پہلو انسانی بحران عالمی برادری کی فوری توجہ کا تقاضا کرتا ہے۔
سوڈان میں بڑے پیمانے پر بھوک اور قحط پھیلنے کا خطرہ ہے جہاں جنگ زدہ ریاست شمالی ڈارفر کے دارالحکومت الفاشر میں زیرمحاصرہ 800,000 افراد خوراک، پانی اور طبی مدد سے بڑی حد تک محروم ہو گئے ہیں۔
اقوام متحدہ کے سیکرٹری جنرل انتونیو گوتیرش نے سلطنت اومان کے محمد الحسن کو عراق کے لیے اپنا خصوصی نمائندہ اور ملک میں اقوام متحدہ کے امدادی مشن (یونیمی) کا سربراہ مقرر کر دیا ہے۔
اقوام متحدہ نے جنوبی افریقہ کے پہلے منتخب جمہوری صدر نیلسن منڈیلا کی زندگی اور میراث کو خراج عقیدت پیش کیا ہے جنہوں نے اپنے ملک میں نسلی عصبیت کے دور میں آزادی کی خاطر اپنی طویل جدوجہد سے دنیا بھر کے لوگوں کو متاثر کیا۔
جنوبی اور وسطی غزہ پر اسرائیل کے نئے حملوں میں کم از کم 90 افراد کی ہلاکت اور 300 افراد کے زخمی ہونے کی اطلاع ہے۔ اقوام متحدہ کے امدادی ادارے اور شراکت دار مشکل ترین حالات میں بھی متاثرین کو علاج معالجہ اور مدد فراہم کرنے کی کوشش کر رہے ہیں۔
عالمی ادارہ صحت (ڈبلیو ایچ او) غزہ کے علاقے المواصی میں اسرائیل کے فضائی حملوں کے متاثرین کو ہنگامی طبی مدد پہنچانے کے اقدامات کر رہا ہے۔ ان حملوں میں کم از کم 78 افراد ہلاک اور 294 زخمی ہو گئے ہیں۔
