اقوام متحدہ کے ادارہ برائے اطفال (یونیسف) کی ایگزیکٹو ڈائریکٹر کیتھرین رسل نے غزہ میں سلامتی کی صورتحال کو فی الفور بہتر بنانے کی اپیل کی ہے جہاں امدادی کارکنوں کے لیے خطرناک حالات اور ان پر حملوں کے باعث ضرورت مند لوگوں کو مدد پہنچانے کا عمل متاثر ہو رہا ہے۔
اقوام متحدہ کے امدادی اداروں نے بتایا ہے کہ سوموار کو غزہ کے جنوبی شہر خان یونس سے ڈیڑھ لاکھ لوگوں نے انخلا کیا جس کے بعد قریبی علاقوں میں خوراک اور پانی کے محدود ذخائر اور پناہ گاہوں پر دباؤ بڑھ گیا ہے۔
اقوام متحدہ کے سیکرٹری جنرل انتونیو گوتیرش نے بیجنگ میں حماس اور فتح سمیت فلسطینی سیاسی دھڑوں میں طے پانے والے نئے معاہدے کا خیرمقدم کرتے ہوئے اسے فلسطینی اتحاد کی جانب ایک اہم قدم قرار دیا ہے۔
یمن کے لیے اقوام متحدہ کے خصوصی نمائندے ہینز گرنڈ برگ نے سلامتی کونسل کو بتایا ہے کہ ملک میں بڑے پیمانے پر جنگ دوبارہ شروع ہونے کا خطرہ ہے جو دنیا کے مفاد میں نہیں اور عالمی برادری کو اسے روکنا ہو گا۔
انسانی حقوق پر اقوام متحدہ کے ماہرین نے امریکہ سے تعلق رکھنے والے دو صحافیوں کو روس میں دی جانے والی قید کی سزاؤں کی مذمت کرتے ہوئے اسے تمام صحافیوں کے لیے خوفناک انتباہ قرار دیا ہے۔
اقوام متحدہ کے امدادی اداروں نے کہا ہے کہ غزہ میں اسرائیلی فوج کے تازہ ترین احکامات پر انخلا کرنے والے لوگ اپنی زندگیاں بچانے کے لیے ہنگامی بنیادوں پر نامعلوم منزل کی جانب نقل مکانی کر رہے ہیں۔
برکینا فاسو کے مشرقی علاقے میں غیرریاستی مسلح گروہوں کے حملوں سے جان بچا کر ہزاروں لوگ ہمسایہ ملک نیجر کا رخ کر رہے ہیں۔ اقوام متحدہ کے امدادی اداروں نے خبردار کیا ہے کہ موجودہ ہنگامی حالات میں نقل مکانی کا بڑا بحران پیدا ہو سکتا ہے۔
مقبوضہ فلسطینی علاقوں کے بارے میں اقوام متحدہ کے غیرجانبدارانہ بین الاقوامی تحقیقاتی کمیشن نے عالمی عدالت انصاف (آئی سی جے) کی جانب سے فلسطینی علاقے پر اسرائیلی قبضے کو غیرقانونی قرار دینے کا خیرمقدم کیا ہے۔
غزہ کے مختلف علاقوں میں اسرائیلی فوج کی شدید بمباری اور حملے بدستور جاری ہیں جن میں اقوام متحدہ کے ایک امدادی قافلے کو بھی نشانہ بنایا گیا ہے۔
اقوام متحدہ کے سیکرٹری جنرل انتونیو گوتیرش نے یمن میں اسرائیل کے حملے پر تشویش کا اظہار کرتے ہوئے تمام فریقین پر زور دیا ہے کہ وہ ہرممکن تحمل سے کام لیتے ہوئے کشیدگی کو بڑھانے سے گریز کریں۔
