اقوام متحدہ کے سیکرٹری جنرل انتونیو گوتیرش نے کہا ہے کہ مشرق وسطیٰ کے لوگوں کو بڑے پیمانے پر تباہ کن جنگ کا حقیقی خطرہ لاحق ہے۔ خطے کو تباہی سے بچانے کے لیے تمام ممالک کو تحمل سے کام لینا ہو گا۔
اقوام متحدہ کے سیکرٹری جنرل انتونیو گوتیرش نے اسرائیل پر ایران کے حملے کی سخت مذمت کرتے ہوئے خبردار کیا ہے کہ مشرق وسطیٰ اور دنیا ایک اور جنگ کے متحمل نہیں ہو سکتے۔
اقوام متحدہ کے سیکرٹری جنرل انتونیو گوتیرش نے غرب الہند کے بحران زدہ ملک ہیٹی میں نئی سیاسی قیادت کے چناؤ اور عام انتخابات کے انعقاد کے لیے عبوری صدارتی کونسل کے قیام کا خیرمقدم کیا ہے۔
اقوام متحدہ نے روانڈا میں ہولناک قتل عام کو 30 برس مکمل ہونے پر وہاں تتسی النسل لوگوں کی نسل کشی کو کبھی نہ بھلانے اور آئندہ دنیا بھر میں ایسے واقعات کو رونما ہونے نہ دینے کا عزم کیا ہے۔
اقوام متحدہ کے ادارہ مہاجرت (آئی او ایم) نے کہا ہے کہ یوکرین کے لوگوں کو روس کے متواتر حملوں کا سامنا ہے جبکہ محاذ جنگ کے قریب رہنے والے 33 لاکھ لوگوں کو ہنگامی مدد کی فوری ضرورت ہے۔
سوڈان میں اقوام متحدہ کے امدادی حکام نے غذائی عدم تحفظ اور قحط کے بڑھتے ہوئے خطرے سے متنبہ کرتے ہوئے کہا ہے کہ امدادی وسائل مہیا نہ ہوئے تو 230,000 افراد کی موت واقع ہو سکتی ہے۔
مقبوضہ فلسطینی علاقوں کے لیے اقوام متحدہ کے امدادی رابطہ کار جیمی میکگولڈرک نے بتایا ہے کہ اسرائیل کی جانب سے بڑے پیمانے پر امداد کی فراہمی میں سہولت دینے کے وعدوں کے باوجود غزہ کے لوگوں کو تباہ کن حالات کا سامنا ہے۔
اقوام متحدہ کے ترقیاتی پروگرام (یو این ڈی پی) نے خبردار کیا ہے کہ خانہ جنگی کا شکار میانمار میں غربت تیزی سے بڑھ رہی ہے اور عدم تحفظ و مسلح تنازع میں شدت آنے کے ساتھ متوسط طبقے کا خاتمہ ہوتا جا رہا ہے۔
مقبوضہ فلسطینی علاقوں کے لیے اقوام متحدہ کے رابطہ کار جیمی میکگولڈرک نے کہا ہے کہ غزہ کے لوگوں کو بقا کی جدوجہد کا سامنا ہے جنہیں مدد پہنچانے کے لیے امدادی ادارے کڑی محنت کر رہے ہیں۔
پناہ گزینوں کے لیے اقوام متحدہ کے ادارے (یو این ایچ سی آر) نے کہا ہے کہ ایک سال پہلے سوڈان میں متحارب عسکری دھڑوں کے مابین لڑائی چھڑنے کے بعد اب تک 85 لاکھ شہری نقل مکانی پر مجبور ہو چکے ہیں۔
