خواتین کے حقوق پر اقوام متحدہ کی کمیٹی نے چار ماہ کے دوران غزہ میں 7,700 بچوں کی ہلاکت کو خواتین اور لڑکیوں کے تحفظ کے کنونشن کی پامالی قرار دیتے ہوئے جنگ کے پائیدار خاتمے پر زور دیا ہے۔
عالمی ادارہ صحت (ڈبلیو ایچ او) نے خبردار کیا ہے کہ غزہ میں طبی سہولیات تیزی سے ختم ہوتی جا رہی ہیں اور جنوبی علاقے میں سب سے بڑا ہسپتال برائے نام حد تک ہی فعال رہ گیا ہے۔
اقوام متحدہ کے سیکرٹری جنرل اور دفتر برائے انسانی حقوق (او ایچ سی ایچ آر) نے روس کی جیل میں حزب اختلاف کے رہنما الیکسی نوالنی کی موت کو پریشان کن قرار دیتے ہوئے اس کی غیرجانبدارانہ اور شفاف تحقیقات کا مطالبہ کیا ہے۔
اقوام متحدہ کے سیکرٹری جنرل انتونیو گوتیرش نے تمام لوگوں کے لیے مساوی طور پر فائدہ مند نئے عالمی نظام کی ضرورت پر زور دیتے ہوئے کہا ہے کہ موجودہ انتظام تقسیم میں اضافہ کر رہا ہے اور عدم اطمینان کا باعث ہے۔
مقبوضہ فلسطینی علاقوں میں انسانی حقوق کی صورتحال پر اقوام متحدہ کی غیرجانبدار ماہر فرانچسکا البانیز نےکہا ہے کہ اسرائیل کا انہیں ملک میں داخلے کی اجازت نہ دینا نئی بات نہیں۔ اس سے غزہ میں ممکنہ جنگی جرائم سے توجہ نہیں ہٹائی جا سکتی۔
جنگ سے تباہ حال یوکرین میں بحالی کے اقدامات پر آئندہ دہائی میں 486 ارب ڈالر درکار ہوں گے۔ ایک سال قبل اس مقصد کے لیے 411 ارب ڈالر لاگت کا تخمینہ لگایا گیا تھا۔
غزہ کے جنوبی شہر رفح میں اسرائیلی فوج کی بمباری جاری ہے۔ امدادی اداروں نے متنبہ کیا ہے کہ علاقے میں زمینی حملوں کی صورت میں لاکھوں لوگوں کو مدد پہنچانے کا کام معطل ہو جائے گا۔
اقوام متحدہ کی سلامتی کونسل کو بتایا گیا ہے کہ غزہ کی جنگ کے اثرات پورے مشرق وسطیٰ میں محسوس کیے جا رہے ہیں جہاں یمن کی صورتحال چند ماہ پہلے کے مقابلے میں کہیں زیادہ پیچیدہ ہو گئی ہے۔
اقوام متحدہ کے تعلیمی، سائنسی و ثقافتی ادارے (یونیسکو) نے بتایا ہے کہ یوکرین میں جنگ سے ملک کے ثقافتی و سیاحتی ورثے کو 3.5 ارب ڈالر کا نقصان ہوا ہے جس کی بحالی کے لیے آئندہ دس برس میں 9 ارب ڈالر درکار ہوں گے۔
اقوام متحدہ کی انسانی حقوق کونسل سے منسلک ماہرین نے پاکستان میں پُرامن انتقال اقتدار پر زور دیتے ہوئے انتخابی عمل کے دوران تنازعات کے قانونی تصفیے اور حقوق کی پامالیوں کے الزامات کی مکمل تحقیقات یقینی بنانے کے لیے کہا ہے۔
