انسانی حقوق کے بارے میں اقوام متحدہ کے خصوصی اطلاع کاروں نے ایران پر وکلا کے احترام اور تحفظ کے لیے زور دیتے ہوئے ملک میں حقوق کی حفاظت کے معاملے میں قانونی پیشے سے وابستہ افراد کے دلیرانہ عزم کو سراہا ہے۔
اقوام متحدہ کے امدادی اداروں نے بتایا ہے کہ غزہ کی جنگ میں اب تک 25 ہزار سے زیادہ فلسطینی ہلاک ہو چکے ہیں۔ علاقے میں اسرائیل کی شدید بمباری اور زمینی حملے بدستور جاری ہیں جبکہ فلسطینی مسلح گروہ بھی اسرائیل پر راکٹ برسا رہے ہیں۔
اقوام متحدہ کے سیکرٹری جنرل انتونیو گوتیرش نے کہا ہے کہ ترقی پذیر ممالک کو دقیانوسی بین الاقوامی اداروں اور معاہدوں میں اصلاحات کی کوششوں کے لیے آگے آنا ہو گا۔
اقوام متحدہ کے سیکرٹری جنرل انتونیو گوتیرش نے غزہ میں جنگ بندی اور تمام یرغمالیوں کی غیرمشروط رہائی کا مطالبہ دہراتے ہوئے کہا ہے کہ اس تنازع کو خطے کے دیگر حصوں میں پھیلنے سے ہر صورت روکنا ہو گا۔
اقوام متحدہ کے ادارہ برائے خواتین (یو این ویمن) نے بتایا ہے کہ غزہ کی جنگ میں ہر گھنٹے دو خواتین ہلاک ہو رہی ہیں اور اب تک مارے جانے والے 23 ہزار سے زیادہ فلسطینیوں میں 70 فیصد تعداد خواتین اور بچوں کی ہے۔
اقوام متحدہ کے ادارہ سیاحت (یو این ڈبلیو ٹی او)نے بتایا ہے کہ 2023 بین الاقوامی سیاحت کے فروغ کا سال رہا اور رواں برس اس شعبے کی قبل از کووڈ سطح پر بحالی کی توقع ہے۔
اقوام متحدہ کے ادارہ برائے اطفال (یونیسف) نے بتایا ہے کہ غزہ کی پٹی جنگ کے دوران پیدا ہونے والے 20 ہزار بچوں کے لیے جہنم بن چکی ہے جہاں متواتر بمباری اور بنیادی ضروریات کی شدید قلت کے باعث ان کی زندگی کو سنگین خطرات لاحق ہیں۔
اقوام متحدہ کے سیکرٹری جنرل انتونیو گوتیرش نے ایران اور پاکستان کی جانب سے ایک دوسرے کے خلاف فضائی حملوں پر گہری تشویش کا اظہار کرتے ہوئے دونوں ممالک پر تحمل سے کام لینے اور مزید کشیدگی سے بچنے کے لیے زور دیا ہے۔
قطر اور فرانس کی ثالثی میں ہونے والے ایک معاہدے کے تحت غزہ میں اسرائیلی یرغمالیوں کو ادویات کی فراہمی اور فلسطینیوں کے لیے امدادی سامان پہنچانے پر اتفاق ہو گیا ہے۔
غزہ میں امداد کی فراہمی اور تعمیر نو کے لیے اقوام متحدہ کی اعلیٰ سطحی رابطہ کار سگریڈ کاگ جنگ زدہ فلسطینیوں کے لیے انسانی امداد میں اضافے کی کوششوں پر بات چیت کے لیے مصر کے دورے پر ہیں۔
