اقوام متحدہ کے ادارہ برائے اطفال کی ایگزیکٹو ڈائریکٹر کیتھرین رسل نے خبردار کیا ہے کہ غزہ میں پینے کے صاف پانی کی شدید قلت کے باعث بیماریاں پھیلنے سے بڑی تعداد میں بچوں کی اموات کا خدشہ ہے۔
غزہ میں جنگ بندی کے لیے اقوام متحدہ کی سلامتی کونسل میں ایک اور قرارداد پر اتفاق رائے کے لیے بات چیت جاری ہے۔ یہ قرارداد متحدہ عرب امارات کی جانب سے پیش کی جا رہی ہے۔
جنگ زدہ علاقوں میں کام کرنے والے صحافیوں کے لیے 2023 خاص طور پر جان لیوا سال رہا۔ اس دوران اپنے فرائض کی انجام دہی کے دوران ہلاک ہونے والے صحافیوں کی تعداد گزشتہ تین سال کے مقابلے میں کہیں زیادہ رہی۔
اقوام متحدہ کے ہائی کمشنر برائے انسانی حقوق وولکر تُرک نے روس پر یوکرین میں جنگ بندی کے لیے زور دیتے ہوئے کہا ہے کہ منصفانہ امن ہی اس المناک تنازع سے متاثرہ ہزاروں لوگوں کی تکالیف میں کمی لانے کا واحد راستہ ہے۔
اقوام متحدہ کے ادارہ برائے اطفال (یونیسف) نے خبردار کیا ہے کہ غزہ بچوں کے لیے دنیا کی خطرناک ترین جگہ بن چکا ہے۔ جنگ بندی عمل میں نہ آئی تو بیماریوں کے نتیجے میں بچوں کا جانی نقصان بم باری سے ہونے والی ہلاکتوں سے تجاوز کر سکتا ہے۔
'جوہری ہتھیاروں سے پاک دنیا کے لیے نوجوان رہنماؤں کے فنڈ' میں کام کے لیے منتخب ہونے والے 100 نوجوانوں کا پہلا اجلاس اقوام متحدہ میں شروع ہو گیا ہے۔ یہ نوجوان اپنی صلاحیتوں کو دنیا سے جوہری ہتھیاروں کا خاتمہ کرنے کے لیے استعمال میں لائیں گے۔
عالمی ادارہ صحت (ڈبلیو ایچ او) کے ڈائریکٹر جنرل ٹیڈروز ایڈہانوم گیبریاسس نے اسرائیل کی فوج کے ہاتھوں شمالی غزہ کے کمال عدوان ہسپتال کی تباہی پر افسوس کا اظہار کرتے ہوئے فوری جنگ بندی کے مطالبے کا اعادہ کیا ہے۔
اقوام متحدہ کی سلامتی کونسل کے ارکان نے جنوبی ایران میں جمعے کو ایک پولیس سٹیشن پر ہونے والے حملے کی مذمت کی ہے جس میں 11 پولیس اہلکار ہلاک اور آٹھ شدید زخمی ہوئے ہیں۔
شمالی غزہ کے الشفا ہسپتال میں طبی سازوسامان فراہم کرنے والے امدادی کارکنوں نے بتایا ہے کہ طبی مرکز کے ہنگامی شعبے میں ہر طرف خون بکھرا ہوا ہے۔ ہسپتال میں ہزاروں زخمی موجود ہیں جن کی تعداد بڑھتی جا رہی ہے۔
اقوام متحدہ نے اسرائیلی کابینہ کی جانب سے غزہ کی پٹی میں انسانی امداد کی براہ راست فراہمی کے لیے کیرم شالوم کا سرحدی راستہ کھولے جانے کے فیصلے کا خیرمقدم کیا ہے۔
