اقوام متحدہ کے قیام کی 78ویں سالگرہ پر سیکرٹری جنرل انتونیو گوتیرش نے اپنے پیغام میں کہا ہے کہ دنیا میں امن، پائیدار ترقی اور سبھی کے انسانی حقوق کے لیے کام کرنا ادارے کی ذمہ داری ہے۔
عالمی ادارہ صحت (ڈبلیو ایچ او) شمالی غزہ میں جاری بمباری کے باعث وہاں امدادی طبی سازوسامان تقسیم نہیں کر سکا۔ ادارے نے بڑے ہسپتالوں کو مدد پہنچانے کے لیے فوری جنگ بندی اور محفوظ راستے کی ضمانت مہیا کرنے کو کہا ہے۔
غزہ پر اسرائیلی بمباری میں ہلاک ہونے والوں کی تعداد 5,087 ہو گئی ہے جبکہ 1,000 سے زیادہ لوگ لاپتہ ہیں۔ مصر سے تیسرا امدادی قافلہ غزہ پہنچ گیا ہے جبکہ امدادی ادارے جنگ بندی اور مزید مدد بھیجنے کا مطالبہ کر رہے ہیں۔
اقوام متحدہ کے ماہرین نے اسرائیلی فوج کے تمام قانونی مشیروں پر زور دیا ہے کہ وہ حماس کے حملوں کے جواب میں ایسے اقدامات کی مخالفت کریں جو جنگی جرائم کے مترادف ہو سکتے ہیں۔
فلسطینی پناہ گزینوں کے لیے اقوام متحدہ کے ادارے 'انرا' نے خبردار کیا ہے کہ اس کے پاس امدادی مقاصد کے لیے صرف تین روز کی ضروریات کا ایندھن باقی ہے جبکہ علاقے میں بمباری سے ہلاک ہونے والے اس کے اہلکاروں کی تعداد 29 تک جا پہنچی ہے۔
اقوام متحدہ کے اداروں نے کہا ہے کہ غزہ کے حالات تباہ کن صورت اختیار کر گئے ہیں اور علاقے میں انسانی بنیادوں پر جنگ بندی، زندگی کو تحفظ دینے اور لوگوں کی مزید تکالیف کو روکنے کی ضرورت ہے۔
فلسطینی پناہ گزینوں کے لیے اقوام متحدہ کے ادارے 'انرا' کے مطابق مغربی کنارے کے نور شمس مہاجر کیمپ میں اسرائیلی فوج کی کارروائی میں پانچ بچوں سمیت کم از کم 13 فلسطینی ہلاک ہو گئے ہیں۔
فلسطینی پناہ گزینوں کے لیے اقوام متحدہ کے امدادی ادارے 'انرا' کے کمشنر جنرل فلپ لازارینی نے اسرائیل۔غزہ تنازع کے فریقین سے کہا ہے کہ وہ اجتماعی انسانیت کو مدنظر رکھتے ہوئے شہریوں، امدادی مراکز اور ان کے عملے کو نشانہ بنانے سے گریز کریں۔
مصر سے رفح کے سرحدی راستے سے 20 ٹرکوں پر مشتمل پہلا امدادی قافلہ غزہ پہنچ گیا ہے۔ اقوام متحدہ کے سیکرٹری جنرل کا کہنا ہے کہ امدادی سامان کو فوری، متواتر، بڑی مقدار میں اور محفوظ طریقے سے غزہ بھیجنا ضروری ہے۔
امدادی امور کے لیے اقوام متحدہ کے رابطہ کار مارٹن گرفتھس نے امدادی قافلے کے مصر سے غزہ میں داخلے کا خیرمقدم کیا ہے، جو دو ہفتے قبل حماس کے اسرائیل پر حملے کے بعد بگڑنے والی صورتحال کے بعد امداد کی پہلی کھیپ ہے۔
