اردن کی طرف سے پیش کی گئی قرارداد میں غزہ میں انسانی امدادی کارروائیوں کی بحالی کے لیے اسرائیلی افواج اور حماس کے درمیان فوری اور پائیدار جنگ بندی کا مطالبہ کیا گیا تھا۔
اسرائیل۔فلسطین بحران پر اقوام متحدہ کی جنرل اسمبلی کا دو روزہ ہنگامی خصوصی اجلاس جمعرات کو شروع ہوا جس سے خطاب کرتے ہوئے متعدد ممالک کے نمائندوں نے غزہ میں فوری جنگ بندی اور علاقے میں امدادی راہداریاں قائم کرنے پر زور دیا۔
غزہ کا تنازع 19ویں روز میں داخل ہو گیا ہے جہاں ایندھن، پانی اور طبی سازوسامان کی قلت کے باعث ہسپتال بند ہو رہے ہیں۔ اسرائیلی فوج نے شمالی غزہ پر زمینی حملے سےقبل ایک مرتبہ پھر لوگوں کو انخلا کے لیےکہا ہے جنہیں اب کہیں بھی پناہ میسر نہیں رہی۔
اقوام متحدہ کے سیکرٹری جنرل انتونیو گوتیرش نے کہا ہے کہ خواتین، امن اور سلامتی کے ایجنڈے پر سلامتی کونسل کی تاریخی قرارداد 1325کی منظوری سے 23 سال بعد بھی ان معاملات پر ہونے والی بات چیت میں خواتین کی شمولیت بہت کم ہے۔
غزہ میں انسانی امداد کی فراہمی کے لیے جنگ بندی کی دو قراردادوں کی ناکامی کے بعد بدھ کو امریکہ اور روس نے رائے شماری کے لیے اپنی اپنی قراردادیں پیش کیں لیکن یہ دونوں بھی سلامتی کونسل سے پاس ہونے میں ناکام رہی ہیں۔
غزہ میں ایندھن کی شدید قلت کے باعث بدھ کی شام ہسپتالوں میں طبی خدمات بند ہو جانے کا خدشہ ہے جبکہ بمباری میں ہلاک ہونے والے اقوام متحدہ کے امدادی کارکنوں کی تعداد 38 ہو گئی ہے۔
عالمی ادارہ صحت کے مطابق حماس کے حملوں کے بعد اسرائیل میں عام لوگوں اور طبی عملے کو نفسیاتی صدمے کا سامنا ہے اور ملک میں ذہنی صحت کی ضروریات میں بڑے پیمانے پر اضافہ ہو گیا ہے۔
اقوام متحدہ کے سربراہ نے اسرائیلی سفیر کے اس دعوے کو 'جھوٹا' قرار دیتے ہوئے اس کی سخت مذمت کی ہے جس میں انہوں نے الزام عائد کیا تھا کہ سیکرٹری جنرل نے سلامتی کونسل سے خطاب میں اسرائیل پر حماس کے حملوں کو جائز قرار دینے کی کوشش کی۔
افغانستان میں انسانی حقوق کی صورت حال پر اقوام متحدہ کے خصوصی اطلاع کار رچرڈ بینیٹ کا کہنا ہے کہ ملک کو انسانی حقوق، معاشی بگاڑ، مہاجرین کی واپسی اور زلزلوں کی صورت میں سنگین بحرانوں کا سامنا ہے جن سے نمٹنے کے لیے فوری اقدامات کرنا ہوں گے۔
اسرائیل اور فلسطین میں حالیہ تناؤ پر منگل کو سلامتی کونسل میں ایک اہم اجلاس جاری ہے جس میں 7 اکتوبر کو حماس کی طرف سے کیے گئے حملوں اور جواب میں غزہ میں اسرائیلی کارروائیوں کے نتیجے میں گھمبیر ہوتے انسانی بحران پر غور کیا جا رہا ہے۔
