سوڈان میں اقوام متحدہ کے امدادی مشن (یونیٹیمس) نے مغربی ڈارفر کے گورنر کی ہلاکت کو خوفناک اور افسوسناک واقعہ قرار دیتے ہوئے ملک میں بڑھتے ہوئے تشدد کو روکنے اور اس واقعے کے ذمہ داروں کو انصاف کے کٹہرے میں لانے کا مطالبہ کیا ہے۔
برسلز میں یورپی یونین کے زیراہتمام شام کے لئے امدادی وعدوں کی کانفرنس میں دنیا بھر سے عطیہ دہندگان شریک ہیں۔ اس موقع پر اقوام متحدہ کے سیکرٹری جنرل نے شام کے لوگوں کی بے پایاں تکالیف کو واضح کرتے ہوئے انہیں 'ناقابل بیان' قرار دیا ہے۔
اقوام متحدہ کے سیکرٹری جنرل انتونیو گوتیرش نے سلامتی کونسل کو ایک بریفنگ میں بتایا ہے کہ دنیا بھر میں بڑھتی ہوئی آن اور آف لائن نفرت کے مقابل مذہبی رہنما عالمگیر امن کی جستجو میں اہم ترین اتحادیوں کی حیثیت رکھتے ہیں۔
امن کارروائیوں کے لئے اقوام متحدہ کے نائب سیکرٹری جنرل ژاں پیئر لاکواء نے کہا ہے کہ اندازاً 3.5 ارب لوگ ایسے مقامات پر رہتے ہیں جہاں موسمیاتی تبدیلی کے اثرات بہت شدید ہیں اور ان جگہوں پر امن اور سلامتی کو لاحق خطرات میں اضافہ ہونے کو ہے۔
شام کے لئے مالی وسائل کے غیر معمولی بحران نے عالمی پروگرام برائے خوراک (ڈبلیو ایف پی) کو 2.5 ملین لوگوں کے لئے مہیا کی جا رہی امداد میں کٹوتی پر مجبور کر دیا ہے۔ اِن لوگوں کا شمار اس 5.5 ملین آبادی میں ہوتا ہے جس کا خوراک کے لئے ادارے کی امداد پر انحصار ہے۔
جنوبی یوکرین میں کاخوفکا ڈیم کی تباہی سے متاثرہ علاقے میں شدید بارشوں اور طوفان نے انسانی صورتحال کو مزید بگاڑ دیا ہے اور علاقے سے لوگوں کے انخلا اور امداد کی تقسیم کا عمل مشکل ہو گیا ہے۔
عالمی ادارہ صحت (ڈبلیو ایچ او) نے صومالیہ کے دارالحکومت موغادیشو کے ضلع عبدی عزیز میں ہونے والے حملے کی سخت ترین الفاظ میں مذمت کی ہے۔
ہنگامی امدادی امور سے متعلق اقوام متحدہ کے رابطہ کار مارٹن گرفتھس نے یو این نیوز کو انٹرویو میں بتایا ہے کہ کاخوفکا ڈیم کی تباہی کے بعد یوکرین کے لوگوں کی مدد کے منصوبوں میں متاثرین کو فوری تحفظ دینے پر خاص توجہ مرکوز کی جا رہی ہے۔
اقوام متحدہ نے مالی میں قیام امن کے لئے تعینات اہلکاروں کے گشتی دستے پر حملے کی کڑی مذمت کی ہے جس میں برکینا فاسو سے تعلق رکھنے والا ایک اہلکار ہلاک اور آٹھ شدید زخمی ہو گئے۔
اقوام متحدہ میں انسانی حقوق کے دفتر نے یمن کے دارالحکومت صںعا میں بہائی مذہبی اقلیت کے پیروکاروں کی گرفتاری اور ایک نمایاں مذہبی پیشوا کے خطبے پر تشویش کا اظہار کیا ہے جس میں بہائی اور اور دیگر مذہبی گروہوں کو نشانہ بنانے کی بات کی گئی ہے۔
