اقوام متحدہ کے سیکرٹری جنرل انتونیو گوتیرش نے کہا ہے کہ دنیا دوران جنگ شہریوں کو تحفظ دینے کے وعدے کی پاسداری میں ناکام ہے۔ سلامتی کونسل میں بات کرتے ہوئے انہوں نے بین الاقوامی انسانی قانون کا بھرپور احترام کرنے پر زور دیا ہے۔
سوڈان میں اقوام متحدہ کے اعلیٰ عہدیدار نے کہا ہے کہ شورش زدہ ملک میں پیر کی شام کو نافذ ہونے والی اہم جنگ بندی کے ذریعے ایک ماہ سے جاری لڑائی کے خاتمے کے لیے امن مذاکرات کی "راہ ہموار" ہونی چاہیے۔
ایران میں گزشتہ سال نومبر میں شروع ہونے والے احتجاجی مظاہروں پر حکومتی ردعمل کا جائزہ لینے کے لئے اقوام متحدہ کی انسانی حقوق کونسل کے متعین کردہ غیرجانبدار ماہرین نے کہا ہے کہ اسے مظاہرین کو سزائے موت دیے جانے پر "گہری تشویش" ہے۔
سوڈان میں شدید لڑائی جاری ہے اور اقوام متحدہ کے امدادی اداروں نے خبردار کیا ہے کہ دس لاکھ سے زیادہ لوگ جان بچانے کے لئے ملک چھوڑنے پر مجبور ہو چکے ہیں۔
افغانستان میں اقوام متحدہ کے ادارہ برائے اطفال (یونیسف) کے نمائندے فران ایکویزا نے کہا ہے کہ ملک میں اندازاً 90 فیصد آبادی غربت کے دھانے پر ہے اور "اس کا خمیازہ بچے بھگت رہے ہیں۔"
اقوام متحدہ میں تخفیف اسلحہ کے شعبے کے نائب سربراہ نے کہا ہے کہ یوکرین کے خلاف روس کا بڑے پیمانے پر حملہ شروع ہونے سے قریباً 15 ماہ بعد شہری "ناقابل برداشت معمول" میں زندگی گزارنے پر مجبور ہیں جنہیں تشویش ناک حد تک تباہی اور نقصان کا سامنا ہے۔
عراق میں اقوام متحدہ کی خصوصی نمائندہ نے سلامتی کونسل کو بتایا ہے کہ سکڑتی شہری آزادیوں، انتخابات کے التوا اور موسمیاتی ہنگامی صورتحال کے ہوتے ہوئے ملک کے استحکام اور کڑی محنت سے حاصل ہونے والی کامیابیوں کو برقرار رکھنے کے لئے مؤثر تعاون درکار ہے۔
میانمار میں انسانی حقوق کی صورتحال پر نظر رکھنے والے اقوام متحدہ کے غیرجانبدار ماہرین کے مطابق ملک کے فوجی حکمرانوں نے 2021 میں حکومت کے خلاف جرنیلوں کی بغاوت کے بعد کم از کم ایک بلین ڈالر کا اسلحہ اور ہتھیار بنانے کے لئے خام مال خریدا ہے۔
اقوام متحدہ کی سلامتی کونسل کو بتایا گیا ہے کہ یمن میں جنگی فریقین قریباً ایک تہائی پر محیط تنازعے کا خاتمہ کرنے کی کوششوں میں پیش رفت کر رہے ہیں تاہم بہت سے مسائل اب بھی حل طلب ہیں۔
اقوام متحدہ کے سیکرٹری جنرل نے بتایا ہے کہ روس نے بحیرہ اسود کے راستے اناج کی ترسیل کے لئے اقوام متحدہ کی ثالثی میں طے پانے والے اقدام میں مزید 60 روز تک شامل رہنے کی تصدیق کی ہے۔
