اقوام متحدہ کے ہائی کمشنر برائے مہاجرین فلیپو گرینڈی نے شام اور ترکیہ کے پانچ روزہ دورے کے بعد وہاں حالیہ زلزلوں کے متاثرین کو بڑے پیمانے پر اور فوری عالمی امداد پہنچانے کی ضرورت کو واضح کیا ہے۔
اقوام متحدہ کے ادارہ برائے مہاجرت کے سربراہ نے ترکیہ کے قدیم شہر انطاکیہ کے وسطی علاقے کا دورہ کیا اور عالمی برادری سے کہا کہ وہ گزشتہ مہینے آنے والے تباہ کن زلزلوں کے لاکھوں متاثرین کو امداد کی فراہمی یقینی بنانے کے لیے ''اپنی کوششوں میں اضافہ کرے''۔
اقوام متحدہ کے اداروں نے کہا ہے کہ ترکیہ اور شام میں آنے والے دو تباہ کن زلزلوں سے ایک ماہ بعد 850,000 سے زیادہ بچے اپنے ٹوٹے پھوٹے یا تباہ شدہ گھر چھوڑنے پر مجبور ہونے کے بعد بدستور بے خانماں ہیں اور لاکھوں لوگوں کو امداد کی اشد ضرورت ہے۔
اقوام متحدہ کے سیکرٹری جنرل نے عراق کی جانب سے اپنے شہریوں کو شمال مغربی شام کے کیمپوں سے واپس بلانے کی ستائش کرتے ہوئے دیگر حکومتوں پر زور دیا ہے کہ وہ بھی 'ذمہ داری لیں اور عملی قدم اٹھائیں'۔ ان کیمپوں میں رکھے گئے لوگوں پر داعش سے تعلق کا شبہ ہے۔
اقوام متحدہ کے سیکرٹری جنرل اور پناہ گزینوں اور مہاجرین کے لیے کام کرنے والے اداروں نے اٹلی کے ساحل کروٹون پر جہاز ڈوبنے سے کم از کم 45 افراد کی ہلاکت کے بعد محفوظ سفری راستوں اور امدادی کارروائیوں میں بہتری لانے کے لیے کہا ہے۔
اقوام متحدہ کے عالمی پروگرام برائے خوراک کے سربراہ نے ہفتے کو شام اور ترکیہ میں زلزلے سے تباہ حال علاقوں اور امداد کی فراہمی کے راستوں کا دورہ مکمل کیا۔ انہوں ںے حکام سے کہا ہے کہ وہ مزید سرحدی راستے کھولیں تاکہ دونوں ممالک میں متاثرین کی مدد ہو سکے۔
اقوام متحدہ کے ادارہ برائے اطفال (یونیسف) کی اعلیٰ عہدیدار نے ترکیہ میں شدید زلزلوں سے متاثرہ لڑکوں اور لڑکیوں کے لیے بڑے پیمانے پر مدد فراہم کرنے کو کہا ہے۔ ان زلزلوں کے باعث دس لاکھ سے زیادہ لوگ بے گھر ہو گئے ہیں۔
اقوام متحدہ کے ترجمان سٹیفن ڈوجیرک نے بتایا ہے کہ گزشتہ دو ہفتوں میں ترکیہ سے شمال مغربی شام میں زلزلہ متاثرین کے لیے امداد لے جانے والے اقوام متحدہ کے 282 ٹرک تین سرحدی راستوں کو عبور کر چکے ہیں۔
ترکیہ میں 6 فروری کو آنے والے زلزلے سے ہلاکتوں کی تعداد 41,000 سے تجاوز کر گئی ہے اور اقوام متحدہ کے ترقیاتی ماہرین نے کہا ہے کہ ملک کے جنوب میں 1.5 ملین لوگ بے گھر ہو چکے ہیں جہاں کم از کم 500,000 نئے گھر تعمیر کرنا ہوں گے۔
اقوام متحدہ کے ترجمان نے کہا ہے کہ تباہ کن زلزلوں سے دو ہفتوں کے بعد اقوام متحدہ اور اس کے شراکت دار ترکیہ سے سرحد پار شمال مغربی شام میں امداد کی فراہمی بڑھانے میں مصروف ہیں اور اس مقصد کے لیے ایک نیا سرحدی راستہ بھی اسعمال کیا جا رہا ہے۔
