عالمی ادارہ صحت (ڈبلیو ایچ او) نے انکشاف کیا ہے کہ کووڈ۔19 سے متاثرہ مریضوں کے علاج میں جراثیم کش ادویات (اینٹی بائیوٹیک) کا حد سے زیادہ استعمال ہوا جس سے دواؤں کے خلاف جراثیمی مزاحمت مزید بڑھ جانے کا خطرہ ہے۔
عالمی ادارہ صحت (ڈبلیو ایچ او) نے بتایا ہے کہ یورپ، وسطی ایشیا اور کینیڈا کے نوجوانوں میں سگریٹ اور شراب نوشی میں اضافہ ہو رہا ہے اور منشیات استعمال کرنے والی لڑکیوں کی تعداد لڑکوں سے تجاوز کر رہی ہے۔
اقوام متحدہ کے اداروں نے بل اینڈ میلنڈا گیٹس فاؤنڈیشن اور ویکسین اتحاد 'گاوی' کے ساتھ مل کر بچوں کو حفاظتی ٹیکے لگانے کے پروگراموں کو مزید موثر بنانے کی مہم شروع کی ہے جس کا مقصد زیادہ سے زیادہ زندگیوں کو تحفظ دینا ہے۔
اقوام متحدہ کے طبی ماہرین نے دنیا بھر میں انسانوں سمیت ممالیہ میں برڈ فلو کے پھیلاؤ کو صحت عامہ کے لیے نمایاں خطرہ قرار دیتے ہوئے چھوت کی اس بیماری پر قابو پانے کے نئے اقدامات کا اعلان کیا ہے۔
عالمی ادارہ صحت (ڈبلیو ایچ او) نے بتایا ہے کہ دنیا میں وبائی ہیپاٹائٹس سے روزانہ 3,500 اموات ہو رہی ہیں اور یہ عالمی سطح پر سب سے زیادہ ہلاکتوں کا باعث بننے والا دوسرا بڑا متعدی مرض بن چکا ہے۔
معمر اور جسمانی معذوری کا شکار خواتین کو بدسلوکی کا خدشہ زیادہ ہوتا ہے تاہم بیشتر ممالک میں تشدد کے متاثرین سے متعلق اعدادوشمار میں انہیں عموماً نظرانداز کر دیا جاتا ہے۔
جنگ زدہ علاقوں میں تشویشناک حد تک بڑھتی بھوک اور غذائی عدم تحفظ کی شدت سے پیدا ہونے والے ممکنہ قحط پر دنیا کے خدشات میں اضافہ ہو رہا ہے۔ زیرنظر سطور سے واضح ہوتا ہے کہ قحط کیسے اور کب رونما ہوتا ہے۔
عالمی ادارہ صحت (ڈبلیو ایچ او) نے کہا ہے کہ تپ دق (ٹی بی) اب بھی ہر سال 13 لاکھ جانیں لے رہی ہے جس کی روک تھام کے لیے مالی وسائل کی فراہمی میں اضافہ کرنا ہو گا۔
اقوام متحدہ نے اعلان کیا ہے کہ اکیسویں صدی میں پانچ سال کی عمر سے پہلے انتقال کر جانے والے بچوں کی تعداد میں 51 فیصد کمی آئی ہے اور 2022 میں یہ تعداد کم ہو کر 49 لاکھ رہ گئی تھی۔
امتیازی سلوک کے خاتمے کے 10 ویں عالمی دن پر ایڈز کی روک تھام کے عالمی ادارے (یو این ایڈز) نے کہا ہے کہ صنف، جنس یا ایچ آئی وی کی صورتحال سے قطع نظر سبھی کے لیے مساوات اور شفافیت کو فروغ دینے کا کام خطرے سے دوچار ہے۔
