دنیا کے کمزور ترین ممالک کے بارے میں اقوام متحدہ کی ایک اہم کانفرنس سے پہلے سیکرٹری جنرل انتونیو گوتیرش نے امیر ممالک پر زور دیا ہے کہ وہ آگے بڑھ کر ان ممالک کے 1.1 بلین لوگوں کو بحران کی مسلسل کیفیت میں سے نکلنے میں مدد دیں۔
کووڈ۔19 کے زور پکڑنے پر کاروبارِ دنیا بند ہونے کے تین سال بعد اقوام متحدہ اور دیگر شراکت دار قطر کے دارالحکومت دوحہ میں ایسے ممالک کی مدد کے لیے تاریخی اہمیت کا ایک نیا عہد کریں گے جن کی کمزوریاں وباء میں کھل کر سامنے آئی ہیں۔
عالمی ادارہ محنت (آئی ایل او) اور اقوام متحدہ کے ادارہ برائے اطفال (یونیسف) نے ایک رپورٹ میں بتایا ہے کہ دنیا بھر میں سماجی تحفظ تک رسائی سے محروم بچوں کی تعداد بڑھ رہی ہے جنہیں غربت، بھوک اور امتیازی سلوک کا خطرہ لاحق ہے۔
ایجادات پر حق کی سند کے حصول کی طلب گزشتہ برس ریکارڈ بلندی پر پہنچی جب چین، امریکہ، جاپان، جنوبی کوریا اور جرمنی کے موجدین نے اپنی ایجادات کے تحفظ کے لیے بڑی تعداد میں درخواستیں دیں۔
ڈیجیٹل پلیٹ فارمز کو باضابطہ بنانے کے لیے عالمگیر رہنمائی پر بات چیت کے لیے پہلی کانفرنس جمعرات کو پیرس میں ختم ہوئی جس میں انٹرنیٹ پر بڑھتی ہوئی گمراہ کن اطلاعات کی موجودگی میں معلومات کی تلاش اور ان کے حصول کا حق برقرار رکھنے کے لیےکہا گیا۔
اقوام متحدہ کے ترقیاتی پروگرام (یو این ڈی پی) نے ایک پالیسی بریف میں کہا ہے کہ اگر عالمی برادری اپنے موجودہ قرض کی تشکیل نو کرے اور مستقبل کے لیے سستے مالی وسائل تک رسائی کو وسعت دے تو ترقی پذیر معیشتیں 148 بلین ڈالر کی بچت کر سکتی ہیں۔
کام اور نسب کی بنیاد پر تفریق ہر جگہ پائی جاتی ہے اور اس سے دنیا بھر میں 260 ملین لوگ متاثر ہو رہے ہیں۔ بوراکومن، دلت، ارو، اوسو، کوئلومبو، رومانی اور دیگر سماجی گروہ اس کی مثال ہیں۔ دنیا کی مجموعی آبادی میں ان کا حصہ 4 فیصد سے بھی کم ہے۔ کام اور نسب کی بنیاد پر سماجی تعصب کے شکار لوگوں کی اکثریت یعنی 210 ملین یا 80 فیصد جنوبی ایشیا میں رہتے ہیں۔ مزید تفصیلات جانیے اس ویڈیو کے ذریعے۔
اقوام متحدہ کے سیکرٹری جنرل انتونیو گوتیرش نے افریقن یونین کی کانفرنس سے اپنے خطاب میں مربوط، خوشحال اور پُرامن افریقہ کے لیے اپنے حمایت کا اظہار کیا ہے۔ یہ کانفرنس ایتھوپیا کے دارالحکومت ادیس ابابا میں منعقد ہو رہی ہے۔
عالمی بینک کے صدر ڈیوڈ میلپاس نے بدھ کو عہدہ چھوڑنے کا اعلان کیا ہے جس کے بعد ادارہ 2023 میں اپنے نئے صدر کا منتظر ہے۔
اقوام متحدہ میں ہوابازی کے ادارے نے کہا ہے کہ 2023 میں بیشتر فضائی راستوں پر مسافروں کی تعداد وبا سے پہلے کی سطح پر پہنچ جائے گی۔
