ارضی بنجر پن کو روکنے کے لیے اقوام متحدہ کے کنونشن (یو این سی سی ڈی) کے ریاستی فریقین کی کانفرنس (کاپ 16) سعودی عرب میں ختم ہو گئی ہے جس میں خشک سالی پر قابو پانے اور زمین کی بحالی کے لیے فوری اور جامع اقدامات کا عزم کیا گیا ہے۔
قدیمی مقامی لوگوں کے لیے برازیل کی پہلی وزیر، رومانیہ میں قدرتی ماحول کے بہادر محافظ اور چین کے ماحولیاتی سائنسدان سمیت پانچ افراد اور ایک اقدام رواں سال اقوام متحدہ کے سب سے بڑے ماحولیاتی اعزاز 'چیمپئنز آف ارتھ' کے حق دار قرار پائے ہیں۔
اقوام متحدہ نے نجی شعبے پر زور دیا ہے کہ وہ کاروباری اور مالیاتی حکمت عملی میں پائیدار ارضی انتظام یقینی بنائے کیونکہ زمینی بنجر پن کے باعث 2050 تک دنیا کو 23 ٹریلین ڈالر کے نقصان کا خطرہ ہے جسے صرف 4.6 ٹریلین ڈالر خرچ کر کے روکا جا سکتا ہے۔
زمبابوے میں ایک ارب درخت لگانے، مالی میں مورنگا درخت کی مصنوعات برآمد کرنے اور کوسٹا ریکا میں پینگوئن کے تحفظ نامی ایک بورڈ گیم تیار کرنے جیسی کامیاب کوششیں کرنے والے نوجوانوں کے ایک گروپ کو اقوام متحدہ نے بنجرپن، زمین کی خرابی اور خشک سالی کے خلاف جنگ میں مثبت کردار ادا کرنے پر تسلیم کیا ہے۔
دنیا بھر میں خشک سالی شدت اختیار کرتے ہوئے زندگیوں کا ایسا سست رو خاموش قاتل بنتی جا رہی ہے جس سے کوئی بھی ملک محفوظ نہیں۔
زمین کی زرخیزی میں کمی آنے اور بنجر پن کا مسئلہ دنیا میں تین ارب لوگوں کو متاثر کر رہا ہے جس کے باعث مہاجرت، عدم استحکام اور عدم تحفظ میں تیزی سے اضافہ ہونے لگا ہے۔
پلاسٹک کی آلودگی کے خلاف معاہدے طے کرنے کی غرض سے ہونے والا اجلاس بنیادی نوعیت کے متعدد معاملات پر اتفاق رائے کے ساتھ ختم ہو گیا ہے۔
پلاسٹک کی آلودگی کو ختم کرنے کے معاملے پر اہم بات چیت جنوبی کوریا میں شروع ہو گئی ہے جس میں دنیا کو اس مسئلے سے نجات دلانے کے قانونی معاہدے پر اتفاق رائے قائم کرنے کی کوشش کی جائے گی۔
'کاپ 29' میں امیر ممالک نے ترقی پذیر دنیا کو موسمیاتی تبدیلی سے نمٹنے میں مدد دینے کے لیے سالانہ 300 ارب ڈالر فراہم کرنے کا وعدہ کیا ہے۔ غریب ممالک کا کہنا ہے کہ یہ رقم موسمیاتی بحران پر موثر طور پر قابو پانے کے لیے کافی نہیں جبکہ وہ اس مسئلے کے ذمہ دار بھی نہیں ہیں۔
اقوام متحدہ کی عالمی موسمیاتی کانفرنس (کاپ 29) میں ترقی یافتہ ممالک نے ترقی پذیر دنیا کو موسمیاتی تبدیلی کے اثرات کا مقابلہ کرنے کے لیے سالانہ 250 ارب ڈالر دینے کی پیشکش کی ہے تاہم ابھی تک اس پر اتفاق رائے نہیں ہو سکا۔
