اقوام متحدہ کے عالمی موسمیاتی ادارے (ڈبلیو ایم او) نے بتایا ہے کہ موسمیاتی تبدیلی کے اثرات پائیدار ترقی کے عمل کو کمزور کر رہے ہیں اور اس سے دنیا بھر میں تحفظ خوراک، نقل مکانی اور مہاجرت کے مسائل شدید ہوتے جا رہے ہیں۔
اقوام متحدہ کی موسمیاتی کانفرنس 'کاپ 28' میں خواتین و لڑکیوں پر موسمیاتی تبدیلی کے تباہ کن اثرات میں کمی لانے اور اس معاملے میں صنفی تفریق کو ختم کرنے کے لیےآواز بلند کی جا رہی ہے۔
'کاپ 28' میں پانچویں روز ترقی پذیر ممالک میں موسمیاتی تبدیلی کے سامنے سب سے زیادہ غیرمحفوظ لوگوں کے لیے مالی مدد کی فراہمی کا معاملہ بات چیت کا مرکز رہا جن میں نوجوان اور خواتین سرفہرست ہیں۔
'کاپ 28' میں صحت اور موسمیاتی تبدیلی کے موضوع پر ہونے والی بات چیت میں کہا گیا ہے کہ بروقت اقدامات نہ کیے گئے تو آئندہ دہائیوں میں موسمی شدت کے واقعات ہر سال کم از کم ڈھائی لاکھ لوگوں کی جان لیتے رہیں گے۔
اقوام متحدہ کے سیکرٹری جنرل انتونیو گوتیرش نے تیل و گیس کی بڑی کمپنیوں سے کہا ہے کہ کاپ 28 میں میتھین گیس کے اخراج میں کمی لانے سے متعلق ان کے وعدے موسمیاتی بحران پر بامعنی طور سے قابو پانے کے لیے کافی نہیں ہیں۔
پاکستان کی تین چوتھائی معیشت کا انحصار دریائے سندھ پر ہے جس کے ماحولیاتی نظام اور اس سے وابستہ کروڑوں لوگوں کی زندگی اور روزگار کو تحفظ دینے کا اقدام 'لیونگ انڈس' بھی کاپ 28 کے تیسرے روز موضوع بحث رہا۔
اقوام متحدہ کے سیکرٹری جنرل نے قابل تجدید توانائی کی جانب منصفانہ، پائیدار اور سب کے لیے مفید منتقلی پر زور دیتے ہوئے کہا ہے کہ ماحول دوست توانائی کے لیے درکار معدنیات کے حصول میں ترقی پذیر ممالک کے استحصال کی غلطی نہ دہرائی جائے۔
زمینی انحطاط سے نمٹنے کے لیے اقوام متحدہ کے کنونشن (یو این سی سی ڈی) نے بتایا ہے کہ انسانی سرگرمیوں کے نتیجے میں آنے والی خشک سالی سے زندگیوں اور روزگار پر غیرمعمولی اثرات مرتب ہو رہے ہیں جن پر قابو پانے کے لیے ہنگامی اقدامات کرنا ہوں گے۔
اقوام متحدہ کے ادارہ خوراک و زراعت (ایف اے او) نے کہا ہے کہ موسمیاتی تبدیلی کے اثرات کو دور رکھنے میں زرعی غذائی نظام کا اہم کردار ہے اور اس شعبے میں نقصان و تباہی کے ازالے کے لیے مزید مالی وسائل مہیا کرنا ہوں گے۔
اقوام متحدہ کے سیکرٹری جنرل انتونیو گوتیرش نے کہا ہے کہ کرہ ارض کو تباہ کن موسمیاتی خطرات سے بچانے کے لیے تعاون اور سیاسی عزم کی ضرورت ہے۔ اس مقصد کے لیے 'کاپ 28' میں جمع ہونے والے عالمی رہنماؤں کو حقیقی قیادت کا مظاہرہ کرنا ہو گا۔
