نیپال میں آنے والے زلزلے میں 160 ہلاکتوں کی تصدیق ہو گئی ہے جبکہ سیکڑوں افراد زخمی ہیں۔ زلزلے سے مجموعی طور پر 13 لاکھ لوگ متاثر ہوئے ہیں اور آئندہ دنوں میں اندازاً 25 لاکھ لوگوں کو انسانی مدد کی فوری ضرورت ہو گی۔
نیپال میں آنے والے تباہ کن زلزلے کے بعد اقوام متحدہ کی ٹیمیں متاثرہ علاقوں میں امدادی کارروائیاں کر رہی ہیں۔ ابتدائی اطلاعات کے مطابق اس زلزلے میں 150 سے زیادہ لوگ ہلاک اور سیکڑوں زخمی ہو گئے ہیں جن کی تعداد میں اضافے کا خدشہ ہے۔
جمعے کو محفوظ حیاتیاتی کروں کا عالمی دن منایا گیا اور اس موقع پر شہروں سے لے کر گھاس کے وسیع میدانوں اور پہاڑی چوٹیوں سے ساحلی جنگلات تک دنیا میں ایسے 748 مقامات کے تنوع اور ماحول دوست عالمی مستقبل میں ان کے کردار کی اہمیت کا اعتراف کیا گیا۔
اقوام متحدہ کے ماحولیاتی ادارے (یو این ای پی) کی رپورٹ میں بتایا گیا ہے کہ موسمیاتی تبدیلی کے اثرات اور اس سے لاحق خطرات سے نمٹنے کی فوری ضرورت کے باوجود موسمیاتی موافقت پر پیش رفت سست روی کا شکار ہے۔
