موسم اور ماحول

تباہ کن موسمی واقعات میں انسانی سرگرمی کے کردار اور یوکرین میں جنگ کے باعث ایندھن کا بحران پیدا ہونے کا واضح ثبوت ہونے کے باوجود گرین ہاؤس گیسوں کا اخراج بڑھ رہا ہے۔ تاہم اقوام متحدہ نے موسمیاتی ہنگامی صورتحال کو اس سال اپنے بین الاقوامی ایجنڈے میں سرفہرست رکھا اور موسمیاتی تبدیلی کے خلاف مالی وسائل جمع کرنے اور حیاتیاتی تنوع سے متعلق بڑے معاہدے کیے ہیں۔

عالمی موسمیاتی ادارے نے بدترین موسمیاتی تبدیلی کی علامات اور اثرات کے بارے میں بتاتے ہوئے کہا ہےکہ اس سال شدید سیلاب، گرمی اور خشک سالی جیسی موسمیاتی آفات نے لاکھوں لوگوں کو متاثر کیا اور ان سے اربوں کا نقصان ہوا ہے۔

ایران پر امریکہ کی پابندیاں مقامی لوگوں کے ساتھ ساتھ وہاں مہاجرین اور افغان پناہ گزینوں سمیت ہر ایک کے لیے صحت اور زندگی کے حقوق کے حصول کی راہ میں رکاوٹ ہیں جبکہ ان سے فضائی آلودگی جیسے مسائل بھی پیدا ہو رہے ہیں۔

کاپ 15 میں رواں دہائی کے آخر تک 30 فیصد زمین ، ساحلی علاقوں اور خشکی میں گھرے پانیوں کو تحفظ دینے کے لیے ایک تاریخی معاہدہ طے پایا ہے۔

اقوام متحدہ نے قدرتی مساکن کے انحطاط کو روکنے اور ان کی بحالی کے دنیا بھر میں جاری دس منصوبوں کو سراہا ہے، جن کا مشترکہ مقصد چھ کروڑ 80 لاکھ ہیکٹر زمین اور ساحلی علاقوں کے قدرتی ماحول کو بحال کرنا ہے۔

پانی کے وسائل میں تیزی سے ہونے والی کمی کے مسئلے پر سرحدوں سے بالا ٹھوس تعاون کے لیے اقوام متحدہ کی کوشش کو اس وقت نمایاں کامیابی ملی ہے جب 30 سے زیادہ حکومتوں اور اداروں نے اعلان کیا ہے کہ وہ اس مسئلے پر اکٹھے کام کرنے کو تیار ہیں۔

اقوام متحدہ کے سیکرٹری جنرل انتونیو گوتیرش نے کہا ہے کہ سمندروں کے قانون پر اقوام متحدہ کے کنونشن کی منظوری انسان کے اس وسیع مشترکہ خزانے کو ''سنبھالنے اور اس سے متعلق معاملات کو منظم کرنے'' کی جانب ایک اہم قدم تھا۔

اقوام متحدہ کے سیکرٹری جنرل انتونیو گوتیرش نے کہا ہے کہ فطرت کے خلاف انسانوں کی جنگ دراصل ہماری اپنے ہی خلاف جنگ ہے۔ حکومتیں اور نجی شعبہ فطری ماحول کو تحفظ دینے کے لیے موثر اقدامات کرے۔

اقوام متحدہ کے سیکرٹری جنرل نے موجودہ عالمی مالیاتی نظام کی مذمت کرتے ہوئے اسے ''اخلاقی طور پر دیوالیہ'' قرار دیا ہے اور نوجوانوں سے کہا ہے کہ وہ حیاتیاتی تنوع کے تحفظ کی خاطر منصفانہ اقدامات کے لیے جدوجہد کریں۔

اقوام متحدہ کے سیکرٹری جنرل انتونیو گوتیرش نے کہا ہے کہ ماحولیاتی نظام منافع کمانے کا ذریعہ بن گئے ہیں اور بے لگام اور غیرمساوی معاشی ترقی کی نہ ختم ہونے والی ہوس نے انسانیت کو اجتماعی معدومی کے ہتھیار میں بدل دیا ہے۔