فلسطینی پناہ گزینوں کے لیے اقوام متحدہ کے امدادی ادارے (انروا) کے کمشنر جنرل فلپ لازارینی نے بتایا ہے کہ غزہ میں 100 سے زیادہ ٹرکوں پر مشتمل امدادی قافلے کو لوٹ لیا گیا ہے جس سے علاقے میں نظم و نسق کے مکمل خاتمے کی نشاندہی ہوتی ہے۔
جوہری توانائی کے عالمی ادارے (آئی اے ای اے) کے سربراہ رافائل میریانو گروسی نے کہا ہے کہ ایران کی جوہری تنصیبات پر حفاظتی اقدامات اور ان کے بارے میں تصدیق و نگرانی کے دیگر امور پر ٹھوس پیش رفت ضروری ہے۔
اقوام متحدہ کے اداروں نے بتایا ہے کہ گزشتہ 24 گھنٹوں میں شمالی غزہ سے ایک لاکھ لوگوں نے نقل مکانی کی ہے جنہیں بھوک پیاس، تکالیف، مایوسی اور موت کے خطرات کا سامنا ہے۔
لبنان میں اسرائیل کے ساتھ سرحد پر تعینات اقوام متحدہ کی عبوری فورس (یونیفیل) کے امن کاروں کو ایک مرتبہ پھر فائرنگ کا نشانہ بنایا گیا ہے جس کی تحقیقات شروع کر دی گئی ہیں۔
اقوام متحدہ کے اداروں نے بتایا ہے کہ لبنان میں اسرائیل کے حملوں سے تحفظ کے لیے نقل مکانی کرنے والے لوگوں کی تعداد متواتر بڑھ رہی ہے اور گھر بار چھوڑ کر محفوظ ٹھکانوں کی تلاش میں بھٹکتے لوگوں کو سنگین حالات کا سامنا ہے۔
اقوام متحدہ نے کہا ہے کہ اسرائیل نے غزہ پر 25 ہزار ٹن گولہ بارود برسایا ہے جو دو جوہری بموں کے برابر ہے اور اس کے جنگی ہتھکنڈے فلسطینیوں کی نسل کشی کے مترادف ہیں۔
ایران میں انسانی حقوق کی صورتحال پر اقوام متحدہ کی غیرجانبدار اطلاع کار مئی ساتو نے کہا ہے کہ ملک میں شہری آزادیاں سکڑ رہی ہیں جہاں انسانی حقوق کے محافظوں اور صحافیوں کو قومی سلامتی کے نام پر ہدف بنایا جا رہا ہے۔
اقوام متحدہ کے امدادی حکام نے خبردار کیا ہے کہ جنگ سے تباہ حال غزہ میں روزانہ ضرورت کی خوراک ناپید ہوتی جا رہی ہے اور لوگوں کے بھوکوں مرنے کا خطرہ ہے۔
لبنان میں اقوام متحدہ کی عبوری فورس (یونیفیل) نے بتایا ہے کہ اسرائیل کی سرحد کے متوازی 'بلیو لائن' پر اس کی تنصیبات اور چیک پوسٹوں پر متواتر حملے ہو رہے ہیں جبکہ لبنان بھر میں شہری علاقوں پر اسرائیل کی مہلک بمباری میں بھی تاحال کوئی کمی نہیں آئی۔
غزہ میں انسانی امداد کی فراہمی میں حائل کڑی رکاوٹوں کے باعث بڑے پیمانے پر بھوک پھیل رہی ہے۔ علاقے میں قحط کے سنگین خطرے کے پیش نظر منگل کو اقوام متحدہ کی سلامتی کونسل کا اجلاس بھی طلب کر لیا گیا ہے۔
