مشرق وسطیٰ

50 روز سے زیرمحاصرہ شمالی غزہ اسرائیل کی بمباری سے ملیامیٹ ہو چکا ہے۔ علاقے میں انسانی امداد کی رسائی ختم ہو گئی ہے اور پناہ کی تلاش میں بھٹکتے لوگوں کو ہر جگہ موت اور تباہی کا سامنا ہے۔

عالمی فوجداری عدالت (آئی سی سی) کے ترجمان فادی عبداللہ نے کہا ہے کہ عدالتی جج اپنے فیصلوں کے سیاسی نتائج کی پروا کیے بغیر قانون کے اطلاق کے ذمہ دار ہیں اور ریاستی فریقین کے لیے عدالت اور اس کے اختیارات کے تحفظ میں تعاون کرنا ضروری ہے۔

اقوام متحدہ کے امدادی حکام نے بتایا ہے کہ گزشتہ دو ہفتوں میں لبنان پر اب تک کی مہلک ترین اور انتہائی تباہ کن بمباری ہوئی جبکہ ایک سال کے عرصہ میں اندرون و بیرون ملک نقل مکانی کرنے والوں کی تعداد 16 لاکھ تک پہنچ گئی ہے۔

غزہ بھر میں انسانی امداد کی فراہمی بند ہونے کو ہے جہاں تنور چلانے کے لیے آٹے اور ایندھن کی شدید قلت پیدا ہو گئی ہے جبکہ امدادی قافلوں کو بندوق کے زور پر لوٹنے کے واقعات بڑھتے جا رہے ہیں۔

عالمی فوجداری عدالت (آئی سی سی) کے پراسیکیوٹر کریم خان نے میثاقِ روم کے تمام ریاستی فریقین سے اپیل کی ہے کہ وہ اسرائیلی وزیراعظم نیتن یاہو، سابق وزیر دفاع یوآو گیلنٹ اور حماس کے رہنما محمد ضیف کے وارنٹ گرفتاری جاری کرنے کے فیصلے پر عملدرآمد کریں۔

عالمی فوجداری عدالت (آئی سی سی) نے انسانیت کے خلاف اور جنگی جرائم پر اسرائیل کے وزیراعظم بینجمن نیتن یاہو، سابق وزیر دفاع یوآو گیلنٹ اور حماس کے رہنما محمد دیاب ابراہیم المصری کی گرفتاری کے وارنٹ جاری کر دیے ہیں۔

امدادی امور کے لیے اقوام متحدہ کے رابطہ دفتر (اوچا) نے خبردار کیا ہے کہ غزہ میں آٹے اور ایندھن کی قلت کے باعث تنور بند ہو رہے ہیں جن پر لاکھوں بھوکے فلسطینیوں کی زندگی کا دارومدار ہے۔

غزہ میں فوری، غیرمشروط اور مستقل جنگ بندی کے لیے اقوام متحدہ کی سلامتی کونسل میں 10 غیرمستقل ارکان کی جانب سے پیش کی جانے والی قرارداد امریکہ نے ویٹو کر دی ہے۔

لبنان میں اسرائیلی فوج اور حزب اللہ کے مابین لڑائی میں مزید شدت آ گئی ہے جہاں شہریوں کی ہلاکتیں 3,500 سے تجاوز کر گئی ہیں۔ اقوام متحدہ کے ادارہ برائے اطفال (یونیسف) نے خبردار کیا ہے کہ لبنان میں بچوں کو درپیش بحران غزہ جیسی صورت اختیار کر رہا ہے۔