اقوام متحدہ کے سیکرٹری جنرل انتونیو گوتیرش نے لبنان میں ادارے کی عبوری فورس (یونیفیل) پر حملے روکنے کا مطالبہ کرتے ہوئے کہا ہے کہ امن کاروں کو نشانہ بنانا بین الاقوامی قوانین کی خلاف ورزی ہے اور ایسی کارروائیاں جنگی جرائم کے مترادف ہو سکتی ہیں۔
غزہ میں ہزاروں بچوں کو پولیو ویکسین پلانے کی مہم کا دوسرا مرحلہ شروع ہو گیا ہے۔ وسطی علاقے دیر البلح میں اس اقدام کے لیے انتظامی مراکز کا کام دینے والے ایک سکول اور ہسپتال پر حملوں کے بعد مہم کی کامیابی کے حوالے سے خدشات پائے جاتے ہیں۔
اقوام متحدہ کے اداروں اور بین الاقوامی غیرسرکاری تنظیموں (آئی این جی اوز) کے سربراہوں نے یمن میں حوثیوں کے زیرحراست اپنے عملے کو فوری رہا کرنے کا مطالبہ کیا ہے۔ اطلاعات کے مطابق ان میں بعض اہلکاروں پر مجرمانہ الزامات کے تحت مقدمات چلائے جا رہے ہیں۔
اسرائیل کی فوج نے لبنان میں اقوام متحدہ کی عبوری فورس (یونیفیل) کے اڈے کو ایک مرتبہ پھر نشانہ بنایا ہے۔ حملہ آور ٹینکوں کی گولہ باری سے 15 اہلکار متاثر ہوئے ہیں جبکہ یونیفیل نے اسے بین الاقوامی قانون کی پامالی قرار دیا ہے۔
اقوام متحدہ کے سیکرٹری جنرل انتونیو گوتیرش نے لبنان میں اقوام متحدہ کے امن کاروں پر اسرائیل کے حملوں کی مذمت کرتے ہوئے ایسی کارروائیوں کو بین الاقوامی انسانی قانون کی خلاف ورزی قرار دیا ہے۔
انسانی حقوق پر اقوام متحدہ کے ماہرین نے کہا ہے کہ غزہ کی جنگ میں نسل کش حملوں، نسلی بنیاد پر تطہیر اور فلسطینیوں کو اجتماعی سزا دینے کے اقدامات سے بین الاقوامی کثیرفریقی نظام کی بقا خطرے میں پڑ گئی ہے۔
لبنان میں اقوام متحدہ کے امن کار مسلسل دوسرے روز اسرائیلی فوج کی فائرنگ کی زد میں آئے ہیں۔ ادارے کے دفتر برائے انسانی حقوق (او ایچ سی ایچ آر) نے ہلاکتیں، تباہی اور جارحیت بند کرنے کی اپیل کرتے ہوئے خبردار کیا ہےکہ خطے میں حالات دن بدن بدتر ہوتے جا رہے ہیں۔
اقوام متحدہ کے امدادی اداروں نے بتایا ہے کہ لبنان میں طبی مراکز اور ان کا عملہ بھی اسرائیل کی فضائی بمباری سے محفوظ نہیں ہیں۔ اب تک ایسے 38 حملوں میں 92 طبی کارکنوں کی ہلاکت ہو چکی ہے جبکہ اتنے ہی زخمی ہوئے ہیں۔
لبنان میں اقوام متحدہ کے امن مشن (یونیفیل) کی نگران چوکی پر اسرائیلی فوج کے حملے میں دو امن اہلکار زخمی ہو گئے ہیں۔ اس واقعے میں چوکی پر نگرانی کے لیے قائم ٹاور کو بھی تباہ کر دیا گیا۔
مشرق وسطیٰ کی صورتحال پر غور کے لیے منعقدہ سلامتی کونسل کے اجلاس میں کہا گیا ہے کہ فلسطینی پناہ گزینوں کے لیے اقوام متحدہ کے ادارے (انرا) کے خلاف اسرائیلی پارلیمنٹ میں پیش کردہ قوانین امدادی کارروائیوں کے لیے خطرناک ثابت ہوں گے۔
