عالمی ادارہ صحت (ڈبلیو ایچ او) غزہ کے علاقے المواصی میں اسرائیل کے فضائی حملوں کے متاثرین کو ہنگامی طبی مدد پہنچانے کے اقدامات کر رہا ہے۔ ان حملوں میں کم از کم 78 افراد ہلاک اور 294 زخمی ہو گئے ہیں۔
اقوام متحدہ کے سیکرٹری جنرل انتونیو گوتیرش نے فلسطینی پناہ گزینوں کے لیے اقوام متحدہ کے امدادی ادارے (انرا) کے ساتھ تعاون بڑھانے کی ضرورت پر زور دیتے ہوئے کہا ہے کہ مقبوضہ فلسطینی علاقوں میں اس کی امدادی سرگرمیوں کا کوئی نعم البدل نہیں۔
اردن، کویت اور سلووینیا نے فلسطینی پناہ گزینوں کے لیے اقوام متحدہ کے امدادی ادارے (انرا) کو سیاسی و مالی تعاون کی فراہمی کے لیے مشترکہ اقدام شروع کیا ہے جس کی 118 ممالک نے حمایت کر دی ہے۔
اقوام متحدہ نے کہا ہے کہ شام پر عائد یکطرفہ پابندیوں سے ملک میں بنیادی سماجی خدمات اور انسانی امداد کی فراہمی بری طرح متاثر ہو رہی ہے جس سے ملکی آبادی کے بڑے حصے کو سنگین مسائل کا سامنا ہے۔
غزہ میں ان دنوں بے گھر لوگوں کی خیمہ بستیوں سمیت آباد جگہوں پر لاپتہ بچوں کی تلاش سے متعلق اشتہارات دکھائی دیتے ہیں۔ یہ وہ بچے ہیں جو نو ماہ سے جاری جنگ کے دوران اپنے والدین سے بچھڑ گئے ہیں اور ان کا تاحال کوئی سراغ نہیں مل سکا۔
غزہ کے شمالی، وسطی و جنوبی علاقوں میں اسرائیل کی شدید بمباری جاری ہے جن میں لاکھوں لوگوں کے لیے پناہ گاہوں کا کام دینے والے سکولوں کو بھی نشانہ بنایا جا رہا ہے۔
اقوام متحدہ کے امدادی اداروں نے بتایا ہے کہ غزہ میں ہسپتالوں پر بوجھ، بڑھتی گرمی، بھوک اور نکاسی آب کی بنیادی سہولیات کے فقدان سے لوگوں کی زندگی مہلک خطرات سے دوچار ہے جو پہلے ہی متواتر بمباری کا سامنا کر رہے ہیں۔
غزہ کی جنگ دسویں مہینے میں داخل ہو گئی ہے جہاں اسرائیل کے تازہ ترین حملے میں اقوام متحدہ کے ایک سکول کو شدید نقصان پہنچا ہے جس میں درجنوں افراد کے ہلاک و زخمی ہونے کی اطلاع ہے۔
اقوام متحدہ کے امدادی اداروں نے بتایا ہے کہ غزہ میں اسرائیلی فوج کے حکم پر انخلا کرنے والے ہزاروں لوگوں کے پاس کوئی جائے پناہ نہیں جبکہ علاقے میں بمباری جاری ہے اور ملبے کے ڈھیروں پر مقیم لوگوں کو غیرانسانی حالات کا سامنا ہے۔
انسانی حقوق پر اقوام متحدہ کے ماہرین نے کہا ہے کہ مقبوضہ مغربی کنارے میں فلسطینیوں کے منصفانہ قانونی کارروائی کے حق کو 57 برس سے متواتر پامال کیا جا رہا ہے۔
