اقوام متحدہ کے ہائی کمشنر برائے انسانی حقوق وولکر ترک نے رفح میں بڑے پیمانے پر اسرائیلی حملے کی صورت میں ظالمانہ جرائم کا خدشہ ظاہر کرتے ہوئے فریقین پر زور دیا ہے کہ وہ انسانی جانوں کے تحفظ اور یرغمالیوں کی رہائی کے لیے فوری جنگ بندی پر اتفاق کریں۔
اقوام متحدہ کے سیکرٹری جنرل انتونیو گوتیرش نے کہا ہے کہ رفح میں اسرائیل کے بڑے حملے کی صورت میں تباہ کن انسانی نقصان ہو گا اور ایسی کسی کارروائی کو ہر صورت روکا جانا چاہیے۔
انسانی حقوق پر اقوام متحدہ کے ماہرین نے امریکی اور اسرائیلی حکام کی جانب سے انٹرنیشنل کریمنل کورٹ (آئی سی سی)، اس کے اہلکاروں اور ان کے اہلخانہ کے خلاف انتقامی کارروائی کی دھمکیاں دیے جانے پر سخت تشویش کا اظہار کیا ہے۔
غزہ کی صورتحال اور اسرائیل فلسطین بحران پر جمعہ کو اقوام متحدہ کی جنرل اسمبلی کے خصوصی ہنگامی اجلاس میں رکن ممالک نے بھاری اکثریت سے ایک قرارداد منظور کی ہے جس کی رو سے فلسطینی ریاست کو ادارے کی مکمل رکنیت دیے بغیر بطور مبصر اس کے حقوق کو وسعت دی گئی ہے۔
غزہ کے جنوبی شہر رفح سے شہریوں کی نقل مکانی جاری ہے جبکہ امدادی اداروں نے فوری جنگ بندی کا مطالبہ کرتے ہوئے خبردار کیا ہے کہ 48 گھنٹے میں امدادی کارروائیاں بحال نہ ہوئیں تو انسانی حالات بری طرح بگڑ جائیں گے۔
فلسطینی پناہ گزینوں کے لیے اقوام متحدہ کے امدادی ادارے (انرا) نے مقبوضہ مشرقی یروشلم میں اپنے دفتر کو آتش زنی کے بعد عارضی طور پر بند کر دیا ہے۔
اقوام متحدہ کے امدادی اداروں نے بتایا ہے کہ غزہ کے جنوبی شہر رفح میں اسرائیلی فوج کی بمباری متواتر جاری ہے جہاں دو روز میں 80 ہزار افراد علاقہ چھوڑ چکے ہیں۔
غزہ کی جنگ کے ساتھ مقبوضہ مغربی کنارے میں فلسطینیوں کے حقوق کی پامالیوں میں بھی نمایاں اضافہ ہو گیا ہے جہاں اسرائیلی فوج غیرقانونی آبادکاروں کی مدد کرتے ہوئے بھاری ہتھیار استعمال کر رہی ہے۔
اسرائیل کے احکامات پر رفح سے لوگوں کی بڑی تعداد نے نقل مکانی شروع کر دی ہے۔ عالمی ادارہ صحت (ڈبلیو ایچ او) نے بتایا ہے کہ علاقے میں غیرمعمولی ہنگامی صورتحال ہے اور لوگ حملوں کے خوف سے ہسپتالوں میں طبی خدمات کے حصول سے بھی گریزاں ہیں۔
اقوام متحدہ کے سیکرٹری جنرل انتونیو گوتیرش نے اسرائیل اور حماس سے اپیل کی ہے کہ وہ سیاسی جرات کا مظاہرہ کرتے ہوئے غزہ میں جنگ کو روک دیں۔
