فلسطینی پناہ گزینوں کے لیے اقوام متحدہ کے امدادی ادارے (انرا) نے زیر محاصرہ غزہ کی پٹی میں غیرمعمولی انسانی بحران سے نمٹنے اور مغربی کنارے میں لوگوں کی ضروریات پوری کرنے کے لیے 1.2 ارب ڈالر کے مالی وسائل کی اپیل کی ہے۔
فلسطینی پناہ گزینوں کے لیے اقوام متحدہ کے امدادی ادارے (انرا) نے غیرجانبداری برقرار رکھنے اور ضابطوں کی سنگین خلاف ورزیوں کے الزامات پر ضروری کارروائی کے لیے غیرجانبدار جائزہ پینل کی رپورٹ میں دی گئی سفارشات کا خیرمقدم کیا ہے۔
اقوام متحدہ کے دفتر برائے انسانی حقوق نے بتایا ہے کہ غزہ کے ہسپتالوں میں دریافت ہونے والی اجتماعی قبروں میں پائی گئی لاشیں بے لباس تھیں یا ان کے ہاتھ بندھے ہوئے تھے۔ یہ ہلاکتیں ممکنہ طور پر جنگی جرائم کے مترادف ہو سکتی ہیں۔
اقوام متحدہ کے مقرر کردہ غیرجانبدار تحقیقاتی پینل نے کہا ہے کہ اسرائیل نے فلسطینی پناہ گزینوں کے لیے امدادی ادارے (انرا) کے اہلکاروں پر دہشت گردی میں ملوث ہونے کا کوئی ثبوت نہیں دیا۔ پینل نے ادارے کے کام کو مزید بہتر بنانے کے لیے 50 سفارشات بھی پیش کی ہیں۔
اقوام متحدہ کے سیکرٹری جنرل انتونیو گوتیرش نے فلسطینی پناہ گزینوں کے لیے امدادی ادارے (انرا) کے اہلکاروں کے خلاف الزامات کی تحقیقات کے نتائج کو قبول کرتے ہوئے دنیا سے اپیل کی ہے کہ وہ ادارے کے ساتھ تعاون جاری رکھے۔
اقوام متحدہ کے فنڈ برائے آبادی (یو این ایف پی اے) نے کہا ہے کہ غزہ کے طبی مراکز میں ہونے والی تباہی اور بڑے پیمانے پر غذائی و آبی قلت کے باعث حاملہ اور دودھ پلانے والی خواتین کی زندگی کو سنگین خطرات لاحق ہیں۔
ایران میں جوہری تنصیبات کے قریب اسرائیل کے مبینہ حملوں کی اطلاعات کے بعد اقوام متحدہ کے سیکرٹری جنرل انتونیو گوتیرش نے فریقین سے انتقامی کارروائیوں کا خطرناک سلسلہ روکنے کی اپیل کو دہرایا ہے۔
پندرہ رکنی سلامتی کونسل میں ریاست فلسطین کی اقوام متحدہ میں رکنیت کی قرارداد کے حق میں بارہ ووٹ پڑے جبکہ دو ارکان برطانیہ اور سوئٹزرلینڈ نے رائے شماری میں حصہ نہیں لیا۔ امریکی ویٹو کے بعد اقوام متحدہ میں فلسطین کی باقاعدہ رکنیت کی قرارداد اب جنرل اسمبلی میں رائے شماری کے لیے پیش نہیں کی جا سکے گی۔
انسانی حقوق پر اقوام متحدہ کے غیرجانبدار ماہرین نے غزہ کی پٹی میں فلسطین کے تعلیمی نظام کی 'منظم تباہی' پر تشویش کا اظہار کیا ہے جہاں اسرائیل کے حملے بدستور جاری ہیں۔
سلامتی کونسل اقوام متحدہ کی مکمل رکنیت کے لیے فلسطین کی درخواست پر غور کر رہی ہے جبکہ غزہ میں جاری جنگ کو ساتواں مہینہ شروع ہو گیا ہے۔ زیرنظر سطور میں جانیے کہ اقوام متحدہ میں فلسطین کا مقام کیا ہے اور وہ یہ رکنیت کیسے حاصل کر سکتا ہے؟
