غزہ میں اسرائیل کی شدید بم باری سے بڑی تعداد میں خواتین اور بچوں کے ہلاک ہونے کی اطلاعات ہیں۔ عالمی ادارہ صحت (ڈبلیو ایچ او) نے لوگوں کی زندگیاں بچانے کے لیے مزید طبی ٹیمیں علاقے میں بھیجے کی اپیل کی ہے۔
ہنگامی امدادی امور کے لیے اقوام متحدہ کے رابطہ کار مارٹن گرفتھس نے اسرائیلی فوج اور فسلطینی جنگجوؤں کو شہریوں کے تحفظ کی ذمہ داری یاد دلاتے ہوئے خبردار کیا ہے کہ غزہ ناقابل رہائش علاقہ بن چکا ہے۔
عالمی ادارہ صحت (ڈبلیو ایچ او) نے بتایا ہے کہ غزہ میں جنگ شروع ہونے کے بعد سے مقبوضہ فلسطینی علاقوں کے 600 ہسپتال اور طبی مراکز حملوں کا نشانہ بن چکے ہیں۔ ان حملوں میں 613 ہلاکتیں ہوئیں اور 770 افراد کے زخمی ہونے کی اطلاع ہے۔
جنوبی اور وسطی غزہ میں اسرائیل کی متواتر بم باری کے باعث اقوام متحدہ کے امدادی اداروں کو گزشتہ تین روز سے ضرورت مند لوگوں تک انسانی امداد کی فراہمی میں شدید مشکلات کا سامنا ہے۔
وسطی غزہ کے پناہ گزین کیمپوں میں اسرائیل کی فوج اور فلسطینی جنگجوؤں کے مابین شدید لڑائی جاری ہے۔ خان یونس میں ایک ہسپتال پر فضائی حملے میں نومولود بچے سمیت پانچ افراد ہلاک اور متعدد زخمی ہو گئے ہیں۔
اقوام متحدہ کے سیکرٹری جنرل انتونیو گوتیرش نے ایران میں ہونے والے بم حملوں کی سخت مذمت کی ہے جن میں 100 سے زیادہ افراد کے ہلاک ہونے کی اطلاع ہے۔
اقوام متحدہ کے امدادی اداروں نے خبردار کیا ہے کہ غزہ میں بم باری اور شدید لڑائی کے باعث لاکھوں لوگوں کے بھوک اور بیماریوں کا شکار ہونے کا خدشہ ہے۔
