حماس کے ہاتھوں اسرائیل میں 1,400 ہلاکتوں اور 240 افراد کو یرغمال بنائے جانے سے ایک ماہ بعد غزہ میں اسرائیل کی بم باری میں 10 ہزار سے زیادہ اموات ہو چکی ہیں جہاں اقوام متحدہ کے اداروں نے جنگ زدہ لوگوں کی مدد کے لیے محفوظ رسائی دینے کی اپیل ہے۔
اقوام متحدہ کی نائب سیکرٹری جنرل امینہ محمد نے کہا ہے کہ اگرچہ خواتین کا اسلامی تہذیب کی ترقی میں غیرمعمولی کردار ہے تاہم بہت سے ممالک میں وہ تاحال پسماندہ ہیں جنہیں فیصلہ سازی، قیام امن اور سیاسی و معاشی عمل میں شرکت کے مساوی مواقع دینا ہوں گے۔
اقوام متحدہ کے سیکرٹری جنرل انتونیو گوتیرش نے مقبوضہ فلسطینی علاقے میں تقریباً 30 لاکھ لوگوں کے لیے 1.2 ارب ڈالر کی ہنگامی انسانی امداد مہیا کرنے پر زور دیتے ہوئے کہا ہے کہ غزہ میں بڑھتا ہوا تنازعہ پورے خطے میں پھیلنے کا خدشہ ہے۔
اسرائیل اور فلسطین کا بڑھتا ہوا بحران دوسرے مہینے میں داخل ہو گیا ہے۔ اقوام متحدہ کے اداروں نے بین الاقوامی قوانین کی پاسداری پر زور دیتے ہوئے غزہ میں لوگوں کی زندگی کو تحفظ دینے کے لیے فوری جنگ بندی کی اپیل کو دہرایا ہے۔
اقوام متحدہ کے ادارہ برائے خوراک (ڈبلیو ایف پی) نے غزہ میں محفوظ طور سے بڑی مقدار میں غذائی مدد پہنچانے کی ہنگامی اپیل کی ہے جہاں خوراک کی قلت خطرناک حدود کو چھو رہی ہے۔
اقوام متحدہ کے سیکرٹری جنرل انتونیو گوتیرش نے غزہ کی پٹی میں ہسپتال کے باہر ایمبولینس گاڑیوں کے قافلے پر حملے کو دہشت ناک قرار دیتے ہوئے علاقے میں امداد کی فراہمی کے لیے جنگ بندی کی اپیل کو دہرایا ہے۔
اقوام متحدہ کے اداروں نے غزہ میں شہریوں کے بھاری جانی نقصان کو ممکنہ جنگی جرائم کے مترادف قرار دیتے ہوئے کہا ہے کہ متحارب فریقین جنگ کے اصولوں کی خلاف ورزی کر رہے ہیں۔
اسرائیل کے فضائی حملوں اور زمینی کارروائیوں کے باعث شمالی غزہ میں امداد کی فراہمی بند ہو گئی ہے۔ علاقے میں ہزاروں بچوں اور خواتین سمیت اب تک 8,805 فلسطینی ہلاک ہو چکے ہیں۔
7 اکتوبر کے بعد مقبوضہ مغربی کنارے میں اسرائیلی آباد کاروں کے تشدد اور نقل و حرکت پر پابندیوں کے باعث 820 فلسطینی بے گھر ہو گئے ہیں اور روزانہ پیش آنے والے ایسے واقعات کی تعداد تین سے بڑھ کر سات تک جا پہنچی ہے۔
عالمی ادارہ صحت (ڈبلیو ایچ او) نے مصر کی جانب سے غزہ کے بعض زخمی اور بیمار لوگوں کو علاج کے لیے قبول کرنے کے فیصلے کا خیرمقدم کرتے ہوئے جنگ زدہ علاقے میں ہسپتالوں کو تحفط دینے اور طبی امداد میں فوری اضافے پر زور دیا ہے۔
