اقوام متحدہ کے سیکرٹری جنرل کا کہنا ہے کہ یہ تباہ کن زلزلے سے متاثرہ ترکیہ اور شام کے لوگوں کا ساتھ دینے اور ان کے لیے اسی مدد اور فیاضی کا مظاہرہ کرنے کا وقت ہے جو انہوں نے حالیہ برسوں میں جنگ سے بچ کر آنے والے لاکھوں پناہ گزینوں اور مہاجرین کے لیے دکھائی۔
شام میں بدھ کو ہونے والی تازہ برف باری نے پانچ اضلاع میں پہلے ہی مایوس کن صورتحال کا سامنا کرنے والے ان لاکھوں لوگوں کی تکالیف میں مزید اضافہ کر دیا ہے جن کی زندگیاں زلزلے سے بری طرح متاثر ہوئی ہیں۔
اقوام متحدہ کے ادارہ برائے مہاجرین (آئی او ایم) کی ترجمان اولگا بورزینکووا نے ترکیہ اور شام میں آنے والے تباہ کن زلزلوں کے بعد اپنے تجربات اور اِس وقت جاری ہنگامی امدادی اقدامات کی تفصیل بیان کی ہے۔
اقوام متحدہ کے امداد کاروں کا کہنا ہے کہ ترکیہ اور شام میں زلزلوں سے تباہی کا حجم بتدریج سامنے آ رہا ہے۔ انہوں نے متاثرین کی تلاش اور انہیں بچانے کی کوششوں میں اضافے اور تمام ضرورت مندوں کو تحفظِ زندگی کے لیے امداد کی فراہمی یقینی بنانے پر زور دیا ہے۔
جنوبی ترکیہ اور شمالی شام میں سوموار کی صبح آنے والے بڑے زلزلے کے بعد انسانی بحران کے خدشات پیدا ہو گئے ہیں اور اقوام متحدہ کے امدادی ادارے تاحال ملبے تلے دبے لوگوں سمیت متاثرین کی مدد کے لیے کوشاں ہیں جن کی تعداد اطلاعات کے مطابق ہزاروں میں ہے۔
اسرائیلیوں اور فلسطینیوں کے مابین تشدد بڑھ رہا ہے اور اقوام متحدہ کے ہائی کمشنر برائے انسانی حقوق وولکر تُرک نے رہنماؤں سے دہائیوں پرانے تنازعے کے حل کے لیے فوری کام کی اپیل کرتے ہوئے ''تناؤ میں غیرمعقول اضافہ'' ختم کرنے کو کہا ہے۔
قطر کی جانب سے متحدہ عرب امارات (یو اے ای) اور سعودی عرب کے خلاف نسلی امتیاز کی شکایات کی تحقیقات کرنے والے اقوام متحدہ کے ایک ادارے نے ان تنازعات کے حل کے بعد اپنا کام مکمل کر لیا ہے۔
