اقوام متحدہ نے ترکیہ کے لیے ایک ارب ڈالر امداد کی اپیل کی ہے تاکہ گزشتہ ہفتے آنے والے تباہ کن زلزلے سے سے متاثرہ پانچ ملین سے زیادہ لوگوں کی مدد کی جا سکے۔ یہ ایک صدی کے عرصہ میں اس ملک میں آنے والا سب سے بڑا زلزلہ ہے۔
اقوام متحدہ کے امدادی قافلے ترکیہ سے مزید دو سرحدی راستوں کے ذریعے زلزلہ زدہ شمال مغربی شام میں پہنچنا شروع ہو گئے ہیں جبکہ اقوام متحدہ کے اداروں نے خبردار کیا ہے کہ کئی ہزار بچے ممکنہ طور پر ہلاک ہو چکے ہیں جبکہ لاکھوں لوگوں کو مدد کی فوری ضرورت ہے۔
اقوام متحدہ کے سیکرٹری جنرل انتونیو گوتیرش نے زلزلے سے تباہی کا سامنا کرنے والے شام کے لوگوں کے لیے 397 ملین ڈالر امداد کی اپیل کی ہے تاکہ قریباً پچاس لاکھ متاثرین کو ''اشد ضروری'' مدد پہنچائی جا سکے۔
اقوام متحدہ کے سیکرٹری جنرل نے شام کے صدر کی جانب سے ملک میں زلزلے سے متاثرہ شمال مغربی علاقے میں ترکیہ سے مزید امداد پہنچانے کے لیے مزید دو سرحدی راستے کھولنے کے فیصلے کا خیرمقدم کیا ہے۔
شام کے دارالحکومت دمشق میں پریس کانفرنس سے خطاب کرتے ہوئے ڈبلیو ایچ او کے ڈائریکٹر جنرل ٹیڈروز ایڈہانوم گیبریاسس نے کہا ہے کہ شام اور ترکیہ میں زلزلے سے تباہی کا حقیقی حجم سامنے آںے پر متاثرین کی امداد کے لیے درکار مالی وسائل کا حجم بھی بڑھ سکتا ہے۔
اقوام متحدہ میں امدادی کارروائیوں کے رابطہ کار مارٹن گرفتھس نے اعلان کیا ہے کہ انسانی ہمدردی کے ادارے ترکیہ اور شام میں آنے والے ہلاکت خیز زلزلوں کے متاثرین کے لیے امداد کی اپیلیں شروع کر رہے ہیں۔
زلزلہ متاثرین کی مدد کے لیے اقوام متحدہ کا دوسرا امدادی قافلہ جمعے کو شمال مغربی شام میں پہنچ گیا ہے تاہم امداد کاروں نے متنبہ کیا ہے کہ زندگی کو تحفظ دینے کے لیے مزید تیز رفتار سے مزید امداد مہیا کرنے کی ضرورت ہے۔
اقوام متحدہ میں انسداد دہشت گردی کے شعبے کے سربراہ نے خبردار کیا ہے کہ قیادت کے نقصان اور نقدی کے کم ہوتے ذخائر کے باوجود داعش عالمی امن اور سلامتی کے لیے بدستور خطرہ ہے۔
اقوام متحدہ کے سیکرٹری جنرل کا کہنا ہے کہ یہ تباہ کن زلزلے سے متاثرہ ترکیہ اور شام کے لوگوں کا ساتھ دینے اور ان کے لیے اسی مدد اور فیاضی کا مظاہرہ کرنے کا وقت ہے جو انہوں نے حالیہ برسوں میں جنگ سے بچ کر آنے والے لاکھوں پناہ گزینوں اور مہاجرین کے لیے دکھائی۔
شام میں بدھ کو ہونے والی تازہ برف باری نے پانچ اضلاع میں پہلے ہی مایوس کن صورتحال کا سامنا کرنے والے ان لاکھوں لوگوں کی تکالیف میں مزید اضافہ کر دیا ہے جن کی زندگیاں زلزلے سے بری طرح متاثر ہوئی ہیں۔
