عطیہ دہندگان جنگ زدہ یمن میں 17.3 ملین لوگوں کو مدد اور تحفظ مہیا کرنے کے کی غرض سے 4.3 بلین ڈالر جمع کرنے کے لیے سوموار کو جینیوا میں اجلاس کر رہے ہیں۔ یمن کو اس وقت دنیا میں سب سے بڑے انسانی بحران کا سامنا ہے۔
اقوام متحدہ کے عالمی پروگرام برائے خوراک کے سربراہ نے ہفتے کو شام اور ترکیہ میں زلزلے سے تباہ حال علاقوں اور امداد کی فراہمی کے راستوں کا دورہ مکمل کیا۔ انہوں ںے حکام سے کہا ہے کہ وہ مزید سرحدی راستے کھولیں تاکہ دونوں ممالک میں متاثرین کی مدد ہو سکے۔
اقوام متحدہ کے ادارہ برائے اطفال (یونیسف) کی اعلیٰ عہدیدار نے ترکیہ میں شدید زلزلوں سے متاثرہ لڑکوں اور لڑکیوں کے لیے بڑے پیمانے پر مدد فراہم کرنے کو کہا ہے۔ ان زلزلوں کے باعث دس لاکھ سے زیادہ لوگ بے گھر ہو گئے ہیں۔
اقوام متحدہ کے اعلیٰ حکام نے بدھ کو اسرائیلیوں اور فلسطینیوں کے مابین جھڑپوں اور فضائی حملوں کے بعد تشدد کے بڑھتے ہوئے سلسلے کو روکنے کے لیے کہا ہے۔ ان واقعات میں 11 افراد ہلاک اور 100 سے زیادہ زخمی ہوئے ہیں۔
اقوام متحدہ کے ترجمان سٹیفن ڈوجیرک نے بتایا ہے کہ گزشتہ دو ہفتوں میں ترکیہ سے شمال مغربی شام میں زلزلہ متاثرین کے لیے امداد لے جانے والے اقوام متحدہ کے 282 ٹرک تین سرحدی راستوں کو عبور کر چکے ہیں۔
اقوام متحدہ کے سیکرٹری جنرل نے کہا ہے کہ علاقائی اور عالمی شراکت دار فلسطینیوں اور اسرائیلیوں کو تشدد کا دائمی سلسلہ ختم کرنے اور قابل اعتبار سیاسی افق کی بحالی میں مدد دینے کے لیے غیرمعمولی عجلت اور عزم کے ساتھ کام کریں۔
ترکیہ میں 6 فروری کو آنے والے زلزلے سے ہلاکتوں کی تعداد 41,000 سے تجاوز کر گئی ہے اور اقوام متحدہ کے ترقیاتی ماہرین نے کہا ہے کہ ملک کے جنوب میں 1.5 ملین لوگ بے گھر ہو چکے ہیں جہاں کم از کم 500,000 نئے گھر تعمیر کرنا ہوں گے۔
اقوام متحدہ کے ترجمان نے کہا ہے کہ تباہ کن زلزلوں سے دو ہفتوں کے بعد اقوام متحدہ اور اس کے شراکت دار ترکیہ سے سرحد پار شمال مغربی شام میں امداد کی فراہمی بڑھانے میں مصروف ہیں اور اس مقصد کے لیے ایک نیا سرحدی راستہ بھی اسعمال کیا جا رہا ہے۔
مشرق وسطیٰ کے لیے اقوام متحدہ کے اعلیٰ عہدیداروں نے سلامتی کونسل کو خبردار کرتے ہوئے کہا ہے کہ اسرائیلی اور فلسطینی فریقین بڑھتے ہوئے تشدد کو فوری روکیں اور مسئلے کا دو ریاستی حل ممکن بنانے کے لیے کام کریں۔
اقوام متحدہ کی امدادی ٹیموں نے بتایا ہے کہ زلزلے سے ہولناک تباہی کا سامنا کرنے والوں کی مدد کے لیے ضروری امدادی سامان سے بھرے اقوام متحدہ کے ٹرک متواتر جنوبی ترکیہ سے شمال مغربی شام کو جا رہے ہیں اور جب تک ضروری ہوا یہ مدد جاری رہے گی۔
