امدادی امور کے لیے اقوام متحدہ کے ادارے اوچا کے نئے سربراہ ٹام فلیچر نے بدھ کو خبردار کیا ہے کہ دنیا میں متعدد نہ ختم ہونے والے تنازعات، موسمیاتی تبدیلی اور بین الاقوامی انسانی قوانین کی صریح خلاف ورزیوں کی وجہ سے آئندہ سال 30 کروڑ سے زائد افراد کو اپنی زندگیاں بچانے کے لئے امداد کی ضرورت ہوگی۔
دنیا بھر میں خشک سالی شدت اختیار کرتے ہوئے زندگیوں کا ایسا سست رو خاموش قاتل بنتی جا رہی ہے جس سے کوئی بھی ملک محفوظ نہیں۔
دنیا میں نقل مکانی پر مجبور لوگوں کی تعداد 12 کروڑ 30 لاکھ تک پہنچ گئی ہے۔ پناہ گزینوں کے لیے اقوام متحدہ کے ادارے (یو این ایچ سی آر) نے بتایا ہے کہ تحفظ کی تلاش میں ہجرت کرنے والوں کی مدد کے لیے اسے آئندہ سال کے لیے 1.5 ارب ڈالر کے امدادی وسائل دستیاب ہو چکے ہیں۔
قیام امن اور سیاسی امور کے لیے اقوام متحدہ کی انڈر سیکرٹری جنرل روزمیری ڈی کارلو نے کہا ہے کہ دنیا میں امن کو خطرات لاحق ہیں اور بات چیت کے ذریعے مسائل حل کرنے کی گنجائش کم ہوتی جا رہی ہے، تاہم نوجوان خواتین ثابت کر رہی ہیں کہ بہتر دنیا بھی ممکن ہے۔
اقوام متحدہ کے سیکرٹری جنرل انتونیو گوتیرش نے عالمی مسائل پر قابو پانے میں جسمانی معذور افراد کے قائدانہ کردار کی اہمیت پر زور دیتے ہوئے کہا ہے کہ ٹیکنالوجی میں ترقی اور فیصلہ سازی کے لیے ان لوگوں کی آراء سننا اور ان پر عمل کرنا ضروری ہے۔
زمین کی زرخیزی میں کمی آنے اور بنجر پن کا مسئلہ دنیا میں تین ارب لوگوں کو متاثر کر رہا ہے جس کے باعث مہاجرت، عدم استحکام اور عدم تحفظ میں تیزی سے اضافہ ہونے لگا ہے۔
پلاسٹک کی آلودگی کے خلاف معاہدے طے کرنے کی غرض سے ہونے والا اجلاس بنیادی نوعیت کے متعدد معاملات پر اتفاق رائے کے ساتھ ختم ہو گیا ہے۔
ایک تازہ ترین تحقیق کے مطابق دنیا میں تقریباً 73 کروڑ خواتین اپنے شوہر یا کسی اور مرد کے ہاتھوں جسمانی یا جنسی تشدد کا شکار بنائی جا چکی ہیں۔ یہ دنیا بھر میں 15 سال سے زیادہ عمر والی خواتین و لڑکیوں کا 30 فیصد حصہ ہے۔
