عالمی ادارہ صحت (ڈبلیو ایچ او) نے تواتر سے خطرناک بیماریاں پھیلانے والے 17 اقسام کے ایسے بیکٹیریا، وائرس اور طفیلیوں کی نشاندہی کی ہے جن کے خلاف ترجیحی بنیادوں پر ویکسین تیار کرنے کی ضرورت ہے۔
دنیا کی دو ارب سے زیادہ آبادی ایسے شہروں میں رہتی ہے جہاں 2040 تک درجہ حرارت میں 0.5 ڈگری سیلسیئس تک اضافہ ہو سکتا ہے اور اس کا نتیجہ تباہ کن موسمی آفات کی صورت میں سامنے آئے گا۔
اقوام متحدہ میں ادارہ قیام امن کے انڈر سیکرٹری جنرل ژاں پیئر لاکوا نے کہا ہے کہ امن کاری میں خواتین کی نمائندگی مزید بڑھانے کی ضرورت ہے اور اس ضمن میں پاکستان نے اقوام متحدہ کے اہداف کی تکمیل کرتے ہوئے اچھے نتائج دیے ہیں۔
حیاتیاتی تنوع کے تحفظ پر سب سے بڑی عالمی کانفرنس (کاپ 16) کولمبیا میں ختم ہو گئی ہے جس میں فطری جینیاتی معلومات اور افریقی النسل و قدیمی مقامی لوگوں کو ماحول کے محافظوں کی حیثیت سے تسلیم کیے جانے سمیت کئی تاریخی معاہدے طے پائے ہیں۔
دنیا کی آبادی تیزی سے بڑھ رہی ہے اور شہر پھیلتے جا رہے ہیں۔ ان حالات میں شہری ماحول کو لوگوں کے لیے مستحکم اور محفوظ کیسے بنایا جا سکتا ہے؟ ان سوالات کا جواب 12ویں عالمی شہری فورم (ڈبلیو یو ایف) میں ملے گا جو 4 تا 8 نومبر مصر کے دارالحکومت قاہرہ میں ہو رہا ہے۔
صحافیوں کے خلاف جرائم کے خاتمے کے عالمی دن کے موقع پر اقوام متحدہ کے ادارہ برائے تعلیم، سائنس، اور ثقافت (یونیسکو) نے تمام ممالک سے اپنے وعدوں کو پورا کرنے اور صحافیوں کے قتل میں ملوث افراد کو انصاف کے کٹہرے میں لانے کی اپیل کی ہے۔
اقوام متحدہ کے ہائی کمشنر برائے انسانی حقوق وولکر ترک نے صحافیوں اور ذرائع ابلاغ کے لیے کام کرنے والے دیگر کارکنوں کو تحفظ دینے اور ان کے خلاف جرائم کے ذمہ داروں کا محاسبہ یقینی بنانے کے لیے کہا ہے۔
اقوام متحدہ کے تعلیمی، سائنسی و ثقافتی ادارے (یونیسکو) نے بتایا ہے کہ تعلیم کے میدان میں کئی دہائیوں سے ہونے والی ترقی اور اس کے لیے عالمی وعدوں کے باوجود 25 کروڑ سے زیادہ بچے اور نوعمر افراد سکول کی تعلیم سے محروم ہیں۔
