آذربائیجان میں جاری اقوام متحدہ کی عالمی موسمیاتی کانفرنس (کاپ 29) میں ڈیجیٹل ٹیکنالوجی کی تیاری میں کاربن اور آلودگی کے اخراج کو کم کرنے اور اسے موسمیاتی اقدامات کی رفتار تیز کرنے کے لیے استعمال میں لانے کے لیے اعلامیے کی منظوری دے دی گئی ہے۔
پاکستان نے بچوں کے حقوق اور مفادات کو موسمیاتی تبدیلی کے سبب لاحق خطرات سے تحفظ دینے کے اعلامیے پر دستخط کر دیے ہیں۔ اس اقدام سے موسمیاتی تبدیلی کے تناظر میں بچوں اور نوجوانوں کی بیان کردہ ترجیحات کو برقرار رکھنے میں مدد ملے گی۔
غریب ممالک کو موسمیاتی تبدیلی کے اثرات پر قابو پانے اور ان سے مطابقت اختیار کرنے کے لیے بڑے پیمانے پر مالی مدد کی فراہمی آذربائیجان میں جاری 'کاپ 29' کا اہم ترین ہدف ہے۔ اس تناظر میں سب سے بڑا سوال یہ ہے کہ آیا اس مقصد کے لیے درکار کئی ٹریلین ڈالر مہیا ہو پائیں گے؟
عالمی ادارہ صحت (ڈبلیو ایچ او) کے ڈائریکٹر جنرل ٹیڈروز ایڈہانوم گیبریاسس نے کہا ہے کہ ادویات کے خلاف جراثیمی مزاحمت (اے ایم آر) سے اموات کا محض خدشہ ہی نہیں ہے بلکہ ہر سال 13 لاکھ لوگ دواؤں کے بے اثر ہو جانے کے باعث موت کا شکار ہو رہے ہیں۔
کیا مصنوعی ذہانت دنیا میں موجود ڈیجیٹل تقسیم کا خاتمہ کر سکتی ہے یا یہ مستقبل میں مزید تفریق کا سبب بننے جا رہی ہے؟ کیا مصنوعی ذہانت کے ذریعے بچوں کے رویوں سے متعلق ڈیٹا کو چھپ کر اکٹھا کرنے والی کمپنیوں کو روکا جا سکتا ہے؟ کیا یہ ٹیکنالوجی مستقبل میں استاد اور شاگرد کے رشتے کو مکمل طور پر تبدیل کر دے گی؟ کیا مصنوعی ذہانت میں عیاں عالمی، طبقاتی، صنفی اور زبان کی تفریق کو اقوامِ متحدہ جیسے ادارے روک سکتے ہیں؟
اقوام متحدہ کے ماحولیاتی پروگرام (یونیپ) کی ایگزیکٹو ڈائریکٹر انگر اینڈرسن نے کہا ہے کہ عالمی حدت میں اضافے کو قابو میں رکھنے کے لیے میتھین گیس کے اخراج کو فوری طور پر کم کرنے کے سوا کوئی چارہ نہیں۔
اقوام متحدہ کے سیکرٹری جنرل انتونیو گوتیرش نے کہا ہے کہ دنیا موسمیاتی تباہی کے دھانے پر کھڑی ہے جبکہ اس صورتحال سے نمٹنے کے لیے درکار ہنگامی اقدامات یا سیاسی ارادہ دکھائی نہیں دیتا۔
اقوام متحدہ کے ہائی کمشنر برائے انسانی حقوق وولکر ترک نے کہا ہے کہ دنیا پہلے سے زیادہ پرتشدد اور منقسم ہو گئی ہے لیکن کسی بھی طرح کے حالات میں تشدد کو قابل جواز قرار نہیں دیا جا سکتا۔
عالمی ادارہ صحت (ڈبلیو ایچ او) نے بتایا ہے کہ 1990 کے بعد دنیا میں ذیابیطس کے مریضوں کی تعداد میں چار گنا اضافہ ہو گیا ہے اور 800 ملین سے زیادہ بالغ افراد اس بیماری میں مبتلا ہیں۔
عالمی ادارہ خوراک و زراعت (ایف اے او) نے بتایا ہے کہ چائے اور کافی جیسے گرم مشروبات کی بڑھتی ہوئی قیمتوں کے باعث رواں سال دنیا بھر میں خوراک پر اٹھنے والے مجموعی اخراجات 2 ٹریلین ڈالر تک پہنچ سکتے ہیں۔
