عالمی سطح پر منقسم سیاسی منظر نامے کی عکاسی آج اقوام متحدہ کی سلامتی کونسل میں بھی ہوئی جہاں ارکان نے 'مزید منصفانہ، جمہوری اور پائیدار عالمی نظام کی خاطر کثیرفریقی تعاون' کے موضوع پر اجلاس میں ایک دوسرے کی پالیسیوں کو تنقید کا نشانہ بنایا۔
اقوام متحدہ کے سیکرٹری جنرل انتونیو گوتیرش نے نوجوانوں کو تمام لوگوں کے لیے مزید پرامن اور پائیدار مستقبل کی تشکیل کے لیے درکار صلاحیتوں سے آراستہ کرنے کی ضرورت پر زور دیا ہے۔
اقوام متحدہ نے جنوبی افریقہ کے پہلے منتخب جمہوری صدر نیلسن منڈیلا کی زندگی اور میراث کو خراج عقیدت پیش کیا ہے جنہوں نے اپنے ملک میں نسلی عصبیت کے دور میں آزادی کی خاطر اپنی طویل جدوجہد سے دنیا بھر کے لوگوں کو متاثر کیا۔
گزشتہ سال دنیا بھر میں بیماریوں کے خلاف حفاظتی ٹیکے لگوانے والے بچوں کی تعداد میں کوئی اضافہ نہیں ہوا اور 2019 کے مقابلے میں 27 لاکھ بچے اس تحفظ سے محروم رہے۔
پائیدار ترقی کے اہداف کے حصول کی مقررہ مدت ختم ہونے میں صرف چھ سال باقی ہیں جبکہ اب تک 17 فیصد ہدف ہی قابل رسائی نظر آتے ہیں۔ اقوام متحدہ کی نائب سیکرٹری جنرل امینہ محمد نے کہا ہے کہ یہ مقصد حاصل کرنے کے لیے ہر شعبے میں قائدانہ کردار کی ضرورت ہے۔
دنیا کی ایک تہائی آبادی تاحال انٹرنیٹ تک رسائی سے محروم ہے تاہم اقوام متحدہ کی جانب سے تمام سکولوں کو آن لائن لانے کا اختراعی منصوبہ اس صورتحال کو تبدیل کر دے گا۔
اقوام متحدہ کے سیکرٹری جنرل انتونیو گوتیرش نے کہا ہے کہ تعلیم کا عالمی بحران اس شعبے میں ڈرامائی تبدیلی کا تقاضا کرتا ہے تاکہ مزید پرامن، مستحکم اور منصفانہ دنیا تشکیل دی جا سکے۔
عالمی یوم آبادی پر اقوام متحدہ کے اداروں نے جنسی و تولیدی صحت کی خدمات تک عام رسائی یقینی بنانے اور تولیدی حقوق کو فروغ دینے کے لیے کہا ہے۔
پیرس پیرا لمپکس گیمز میں صرف 50 دن باقی ہیں۔ انٹرنیشنل پیرا لمپک کمیٹی (آئی پی سی) نے اعلان کیا ہے کہ ان کھیلوں میں آٹھ کھلاڑیوں اور ان کے ساتھ دوڑنے والے ایک رہنما پر مشتمل پناہ گزینوں کی ٹیم بھی شریک ہو گی۔ یہ ان کھیلوں میں حصہ لینے والا پناہ گزین کھلاڑیوں کا اب تک سب سے بڑا دستہ ہے۔
دنیا کے ایک چوتھائی لوگ ایسے ممالک میں رہتے ہیں جہاں آبادی میں مزید اضافے کی گنجائش نہیں رہی۔ اقوام متحدہ نے بتایا ہے کہ سابقہ اندازے سے برعکس دنیا کی آبادی رواں صدی میں ہی اپنے عروج پر پہنچ جائے گی۔
