برازیل میں جی 20 ممالک کے رہنماؤں نے کاپ 29 میں شریک مذاکرات کاروں کو واضح پیغام دیا ہے کہ وہ موسمیاتی اقدامات کے لیے نیا مالیاتی ہدف طے کیے بغیر واپس نہ آئیں۔
اقوام متحدہ کے سیکرٹری جنرل انتونیو گوتیرش نے کہا ہے کہ موجودہ عالمی نظام پر لوگوں کا اعتماد ختم ہو گیا ہے جس کی بحالی کے لیے بین الاقوامی مالیاتی نظام، سلامتی کونسل اور دیگر اداروں میں اصلاحات لانا ضروری ہے۔
آذربائیجان کے دارالحکومت باکو میں جاری اقوام متحدہ کی عالمی موسمیاتی کانفرنس (کاپ 29) میں بچے اور نوجوان موسمیاتی تبدیلی سے تحفظ، کرہ ارض کو مزید تباہی سے بچانے اور قدرتی ماحول کو تحفظ دینے کی کوششوں میں اضافے کا مطالبہ کر رہے ہیں۔
امدادی امور کے لیے اقوام متحدہ کے نئے رابطہ کار ٹام فلیچر نے بڑھتے ہوئے عالمگیر مسائل میں لوگوں کو مدد پہنچانے اور انسانی اقدار کے تحفظ کا عہد کرتے ہوئے اپنی ذمہ داریاں سنبھال لی ہیں۔
موسمیاتی تبدیلی پر اقوام متحدہ کے فریم ورک کنونشن کے ایگزیکٹو سیکرٹری سائمن سٹیئل نے 'کاپ 29' میں شریک مذاکرات کاروں پر زور دیا ہے کہ وہ غیرضروری باتوں کو چھوڑ کر اس مسئلے سے نمٹنے کے لیے مالی وسائل کی فراہمی کا نیا ہدف طے کرنے پر توجہ دیں۔
اقوام متحدہ کے سیکرٹری جنرل انتونیو گوتیرش نے کہا ہے کہ قیام امن، عالمی نظام میں اصلاحات اور موسمیاتی تبدیلی پر قابو پانے کے لیے فوری طور پر ٹھوس اقدامات کی ضرورت ہے اور اس کے لیے جی 20 ممالک کو مثالی کردار ادا کرنا ہو گا۔
اقوام متحدہ کے ادارہ برائے اطفال (یونیسف) نے پاکستان میں قبل از وقت پیدا ہونے والے بچوں کی زندگی بچانے کے لیے انہیں ماؤں کے ساتھ جسمانی نگہداشت کی سہولت کو بہتر بنانے کی ضرورت پر زور دیا ہے۔
ادویات کے خلاف جراثیمی مزاحمت (اے ایم آر) کے بارے میں چوتھی عالمی وزارتی کانفرنس اس پیچیدہ طبی مسئلے سے نمٹنے کے لیے قابل عمل اور ہر شعبے میں لیے جانے والے اقدامات سے متعلق اعلامیے کی منظوری کے ساتھ ختم ہو گئی ہے۔
آذربائیجان میں جاری اقوام متحدہ کی عالمی موسمیاتی کانفرنس (کاپ 29) میں ڈیجیٹل ٹیکنالوجی کی تیاری میں کاربن اور آلودگی کے اخراج کو کم کرنے اور اسے موسمیاتی اقدامات کی رفتار تیز کرنے کے لیے استعمال میں لانے کے لیے اعلامیے کی منظوری دے دی گئی ہے۔
پاکستان نے بچوں کے حقوق اور مفادات کو موسمیاتی تبدیلی کے سبب لاحق خطرات سے تحفظ دینے کے اعلامیے پر دستخط کر دیے ہیں۔ اس اقدام سے موسمیاتی تبدیلی کے تناظر میں بچوں اور نوجوانوں کی بیان کردہ ترجیحات کو برقرار رکھنے میں مدد ملے گی۔
