اقوام متحدہ کی جنرل اسمبلی کے صدر ڈینس فرانسس نے موثر سفارت کاری کا خاتمہ ہو جانے سے متعلق اندازوں کو قبل از وقت قرار دیا ہے۔
امن کے عالمی دن پر اقوام متحدہ کے سیکرٹری جنرل انتونیو گوتیرش نے اپنے پیغام میں کہا ہے کہ دنیا بھر میں تناؤ اور تنازعات کا خاتمہ کرنے کے لیے سفارت کاری، بات چیت اور تعاون کے کارآمد ذرائع سے کام لینا ہو گا۔
اقوام متحدہ کے رکن ممالک نے وعدہ کیا ہے کہ کووڈ۔19 سے پیدا ہونے والے تباہ کن طبی اور سماجی معاشی بحران جیسی صورتحال کا اعادہ نہ ہونے دیا جائے گا اور کسی دوسری وبا کو روکنے کے لیے دنیا کی صلاحیت بڑھائی جائے گی۔
عالمی رہنماؤں نے 2030 تک پائیدار ترقی کے اہداف (ایس ڈی جی) کے حصول کے لیے ہنگامی اقدامات اٹھاتے ہوئے ترقی کے لیے مالی وسائل کی فراہمی پر اعلیٰ سطحی بات چیت کا آغاز کیا ہے۔
اقوام متحدہ کے سیکرٹری جنرل نے موسمیاتی عزائم سے متعلق پہلی کانفرنس کے لیے نیویارک میں جمع منصوبہ ساز اور عملدرآمد کرنے والے سیاست دانوں، کاروباری رہنماؤں اور سول سوسائٹی کے ارکان سے کہا ہے کہ "ہولناک گرمی ہولناک اثرات مرتب کر رہی ہے۔"
تقریباً 4.5 ارب لوگ یا دنیا کی نصف سے زیادہ آبادی کو ضروری طبی خدمات تک خاطر خواہ رسائی نہیں ہے اور رواں ہفتے اقوام متحدہ میں ہونے والے اعلیٰ سطحی اجلاسوں میں عالمی رہنما اور وزرا اس مسئلے پر قابو پانے کے لیے غوروخوض کریں گے۔
اقوام متحدہ کے معاشی ماہرین نے بتایا ہے کہ اب سے 2030 تک پائیدار ترقی کے پرعزم اہداف کے حصول کی قیمت 5.4 تا 6.4 ٹریلین ڈالر سالانہ ہو سکتی ہے۔
اقوام متحدہ کے سیکرٹری جنرل انتونیو گوتیرش خبردار کیا ہے کہ دنیا غیر مستحکم ہو رہی ہے جبکہ بہت زیادہ خطرے اور بہت کم اتفاق رائے کے وقت عالمگیر بحران کو حل کرنا ہی اقوام متحدہ کا مقصد ہے۔
اقوام متحدہ کے عالمی ادارہ صحت (ڈبلیو ایچ او) نے طبی شعبے میں مضبوط سیاسی عزم اور حکومتی سطح پر سرمایہ کاری بڑھانے کی ضرورت کو واضح کرتے ہوئے بتایا ہے کہ دنیا بھر میں 4.5 ارب لوگوں کو ضروری طبی خدمات میسر نہیں ہیں۔
اقوام متحدہ کے تعلیمی، سائنسی اور ثقافتی ادارے (یونیسکو) نے بتایا ہے کہ دنیا بھر میں کسی بھی تعلیمی درجے میں سکول جانے سے محروم ہونے والے بچوں کی تعداد چھ ملین اضافے کے بعد 250 ملین تک پہنچ گئی ہے۔
