اقوام متحدہ کے ہائی کمشنر برائے انسانی حقوق نے سویڈن کے دارالحکومت میں قرآن کے نسخے کو جلائے جانے کے حالیہ واقعے پر جنیوا میں منعقدہ کونسل کے اجلاس سے خطاب کرتے ہوئے مذہبی رواداری کے احترام پر زور دیا ہے۔
عالم یوم آبادی پر اقوام متحدہ کے سیکرٹری جنرل انتونیو گوتیرش نے اپنے پیغام میں کہا ہے کہ آٹھ ارب افراد پر مشتمل انسانی خاندان پہلے سے کہیں بڑا ہو چکا ہے تاہم دنیا کے رہنماؤں کو تمام لوگوں کے لیے پُرامن اور خوشحال زندگی یقینی بنانے کی کوششوں میں ناکامی کا سامنا ہے۔
حکومتوں، سول سوسائٹی اور نجی شعبے کے شراکت دار سوموار کو نیویارک میں اقوام متحدہ کی معاشی و سماجی کونسل کے اجلاس میں اکٹھے ہوئے جس کا مقصد پائیدار ترقی کے 17 اہداف کے حصول کی کوششوں کو دوبارہ درست راہ پر ڈالنے کی فوری ضرورت سے نمٹنا ہے۔
اقوام متحدہ کے عالمی موسمیاتی ادارے (ڈبلیو ایم او) کے ماہرین نے کہا ہے کہ دنیا بھر میں سطح سمندر کے درجہ حرارت نے امسال مئی، جون اور جولائی میں ریکارڈ بلندی کو چھوا جبکہ ال نینو کی گرم ہوتی موسمی کیفیت کا ابھی آغاز ہی ہوا ہے۔
پائیدار ترقی کے لیے 2030 کے پُرعزم ایجنڈے کے حصول کی جانب نصف وقت طے ہو نے پر اقوام متحدہ کے رکن ممالک، اختراع کار اور بااثر شخصیات سوموار ادارے کے ہیڈکوارٹر میں جمع ہیں جہاں معاشی و سماجی کونسل وبا کے بعد ہونے والی ترقیاتی کوششوں پر مبنی اپنی تازہ ترین رپورٹ پیش کرے گی۔
امیکا، گریس اور صوفیہ سے ملیے جو اقوام متحدہ کے زیراہتمام 'مصنوعی ذہانت برائے بھلائی' کے موضوع پر ہونے والی عالمی کانفرنس میں شریک ہیں۔ اس کانفرنس کا آغاز جمعرات کو جنیوا میں ہوا تھا۔
امدادی امور سے متعلق اقوام متحدہ کے رابطہ کار مارٹن گرفتھس نے شمالی مغربی شام میں امداد کی فراہمی جاری رکھنے اور دوران جنگ یوکرین اور روس سے اناج کی برآمدات کی عالمی مںڈیوں میں ترسیل کی اجازت دینے کی ضرورت کو واضح کیا ہے۔
اقوام متحدہ کے ادارہ برائے اطفال (یونیسف) اور عالمی ادارہ صحت (ڈبلیو ایچ او) نے ایک نئی رپورٹ میں بتایا ہے کہ دنیا بھر میں پانی کی فراہمی سے محروم ہر 10 گھرانوں میں سے سات میں پانی بھرنے کی بنیادی ذمہ داری خواتین اور لڑکیوں کے ذمے ہے۔
اقوام متحدہ کے سیکرٹری جنرل انتونیو گوتیرش نے کہا ہے کہ تمام انسانیت کی بھلائی کے لیے مصںوعی ذہانت کی ترقی انسانی حقوق، شفافیت اور احتساب پر مبنی حفاظتی اقدامات کا تقاضا کرتی ہے۔
نسل کشی کی روک تھام اور تحفظ کی ذمہ داری کے بارے میں اقوام متحدہ کے دفتر نے بدھ کو پالیسی سے متعلق ایک نئی دستاویز جاری کی ہے جس کا مقصد نفرت کے آن لائن اظہار کا مقابلہ کرنا اور اس سے نمٹنا ہے۔
