روایتی ادویات کے بارے میں ڈبلیو ایچ او کی پہلی عالمی کانفرنس اس ہفتے انڈیا کے شہر گاندھی نگر میں شروع ہو رہی ہے جس میں ان ادویات کی افادیت کے حوالے سے ثبوتوں اور اس شعبے میں بہترین طریقہ ہائے کار کے تبادلے پر توجہ مرکوز کی جائے گی۔
اقوام متحدہ نے تعلیم میں تبدیلی لانے کی حکمت عملی کا خلاصہ جاری کیا ہے جس میں ایسی تجاویز دی گئی ہیں جن کے ذریعے شمولیتی اور واقعتاً سیکھنے والے معاشروں کی تخلیق اور تعلیم کو عالمگیر عوامی بھلائی کا ذریعہ سمجھنے میں مدد مل سکتی ہے۔
انسانی سمگلنگ کے خلاف تیس جولائی کو منائے جانے والے عالمی دن کے موقع پر اقوام متحدہ کے سربراہ انتونیو گوتیرش نے اپنے پیغام میں کہا ہے کہ سب مل کر ایسی دنیا تعمیر کریں جہاں کسی کو خریدا یا بیچا نہ جا سکے اور نہ ہی کسی کو استحصال کا سامنا ہو۔
جنوبی یورپ اور شمالی افریقہ کے جنگلوں میں آگ بھڑکنے کے واقعات پر اقوام متحدہ کے موسمیاتی سائنس دانوں کا کہنا ہے کہ یہ فی الواقع یقینی ہے کہ جولائی 2023 اب تک کا گرم ترین مہینہ ہو گا جبکہ اقوام متحدہ کے سیکرٹری جنرل انتونیو گوتیرش نے موسمیاتی شدت سے نمٹنے کے لیے اقدامات تیز کرنے پر زور دیا ہے۔
آنے والی نسلوں کو جنگوں سے متعلقہ جنسی تشدد کی لعنت سے تحفظ دینے کے لیے عالمی برادری کو فوری اقدامات کرنا ہوں گے۔ یہ بات اس موضوع پر اقوام متحدہ کی وکیل پرامیلا پیٹن نے سلامتی کونسل میں کہی ہے۔
امدادی امور سے متعلق اقوام متحدہ کے رابطہ کار مارٹن گرفتھس نے شمالی مغربی شام میں امداد کی فراہمی جاری رکھنے اور دوران جنگ یوکرین اور روس سے اناج کی برآمدات کی عالمی مںڈیوں میں ترسیل کی اجازت دینے کی ضرورت کو واضح کیا ہے۔
ہر سال 24 جون کو ’سفارت کاری میں خواتین‘ کے عالمی دن کے طور پر منایا جاتا ہے۔ خواتین نے ہمیشہ امن، ترقی اور انسانی حقوق کے لیے اپنا اہم کردار ادا کیا ہے۔ خواتین اور لڑکیاں دنیا کی آبادی اور صلاحیتوں کا نصف ہیں۔
موسمیاتی تبدیلی پر اقوام متحدہ کے سربراہ کے یوتھ ایڈوائزری گروپ کی پاکستانی نژاد امریکی رکن عائشہ صدیقہ کا کہنا ہے کہ نوجوانوں کو مشاورت اور فیصلہ سازی میں محض خانہ پری یا ان کا کوٹہ پورا کرنے کے لیے شامل کرنے کا کوئی فائدہ نہیں ہوگا۔
پناہ گزینوں کے عالمی دن پر اقوام متحدہ کے سیکرٹری جنرل انتونیو گوتیرش نے ان کی مدد اور تحفظ کے لئے عالمی برادری کو اس کا کردار یاد دلاتے ہوئے کہا ہے کہ پناہ گزین تعاون اور یکجہتی کے حق دار ہیں، ان کے لئے سرحدیں بند کرنی چاہئیں اور نہ ہی انہیں واپس دھکیلا جانا چاہیے۔
سوشل میڈیا پر نفرت انتہائی تیزی سے پھیل رہی ہے اور نفرت پھیلانے والے عناصر ہزاروں لوگوں پر اثرانداز ہونے کے لیے تفرقہ بازی سے کام لے رہے ہیں۔ ایسے میں اقوام متحدہ نفرت کے اظہار کا مقابلہ کرنے کے لئے عالمی سطح پر مربوط کوششوں کا مطالبہ کر رہا ہے۔
