اقوام متحدہ کی انڈر سیکرٹری جنرل اور سیاسی امور کے شعبہ کی انچارج روزمیری ڈی کارلو نے جمعے کو ماسکو کا دو روزہ دورہ مکمل کیا جہاں انہوں نے روس کی وزارت امور خارجہ کے اعلیٰ حکام کے ساتھ ملاقاتیں کیں۔
اقوام متحدہ میں پناہ گزینوں اور مہاجرت کے ادارے بدھ کو بحیرہ روم میں پیش آنے والے المیے کے بعد سمندر میں مزید اموات کو روکنے کے لئےفوری اور فیصلہ کن اقدامات کا مطالبہ کر رہے ہیں۔
اقوام متحدہ کے امدادی ادارے یوکرین میں کاخوفکا ڈیم کی تباہی سے متاثرہ افراد کو تحفظِ زندگی کے لئے مدد پہنچا رہے ہیں تاہم انہوں نے خبردار کیا ہے کہ ملک کے جنوبی حصے میں ہزاروں لوگوں کو پانی کی شدید قلت کا سامنا ہے۔
اقوام متحدہ کے سیکرٹری جنرل نے کہا ہے کہ بحیرہ روم میں مزید درجنوں اموات کی خبریں ہولناک ہیں۔ یہ ہلاکتیں یونان کے ساحل کے قریب گنجائش سے زیادہ مسافروں کو لے جانے والی کشتی کے الٹ کر ڈوبنے سے ہوئیں۔
جنوبی یوکرین میں کاخوفکا ڈیم کی تباہی سے متاثرہ علاقے میں شدید بارشوں اور طوفان نے انسانی صورتحال کو مزید بگاڑ دیا ہے اور علاقے سے لوگوں کے انخلا اور امداد کی تقسیم کا عمل مشکل ہو گیا ہے۔
ہنگامی امدادی امور سے متعلق اقوام متحدہ کے رابطہ کار مارٹن گرفتھس نے یو این نیوز کو انٹرویو میں بتایا ہے کہ کاخوفکا ڈیم کی تباہی کے بعد یوکرین کے لوگوں کی مدد کے منصوبوں میں متاثرین کو فوری تحفظ دینے پر خاص توجہ مرکوز کی جا رہی ہے۔
یوکرین کے لئے اقوام متحدہ کی اعلیٰ ترین نمائندہ ڈنیز براؤن نے کہا ہے کہ کاخوفکا ڈیم کی تباہی کے بعد انسانی حالات اب بھی متواتر تبدیل ہو رہے ہیں، ہنگامی ضروریات بہت زیادہ ہیں اور مستقبل کے حوالے سے خدشات میں اضافہ ہو رہا ہے۔
یوکرین میں اقوام متحدہ کی اعلیٰ ترین عہدیدار نے ملک کے وزیر خارجہ کو دوبارہ یقین دہانی کرائی ہے کہ ادارہ کاخوفکا ڈیم کے متاثرین کے ساتھ تعاون اور انہیں امداد پہنچانے کے لئے کام کر رہا ہے جس کا آغاز ڈیم ٹوٹنے کے فوری بعد ہو گیا تھا۔
جنوبی یوکرین میں کاخوفکا ڈیم ٹوٹنے کے بعد انسانی تباہی کا حجم واضح ہوتا جا رہا ہے جبکہ اقوام متحدہ کے امدادی اداروں نے متاثرہ شہریوں تک امداد پہنچانے کی کوششیں بڑھا دی ہیں۔
یوکرین میں ایک بڑے ڈیم کو بظاہر تباہ کئے جانے کے بعد محاذ جنگ کے قریب ہزاروں شہری خطرے سے دوچار ہیں جبکہ اقوام متحدہ کے سیکرٹری جنرل نے اسے ملک پر روس کے حملے کے براہ راست نتیجے میں ہونے والی "بہت بڑی انسانی، معاشی اور ماحولیاتی تباہی" کہا ہے۔
