عالمی یوم اطفال کے موقع پر کراچی میں بچوں کے لیے اقوامِ متحدہ کے ادارے یونیسف نے ایک تقریب منعقد کی جہاں پاکستان بھر سے آئے بچوں نے اپنے حقوق کے تحفظ اور روشن مستقبل کے لیے آواز اٹھائی۔ اس تقریب میں بچوں نے اپنے فن کا مظاہرہ کرتے ہوئے اور گیتوں، تقریروں اور تھیٹر کے ذریعے اپنے خیالات اور جذبات کا اظہار کیا۔
اقوام متحدہ کے ادارہ برائے اطفال (یونیسف) نے خبردار کیا ہے کہ پاکستان کے صوبہ پنجاب میں پانچ سال سے کم عمر کے ایک کروڑ 10 لاکھ سے زیادہ بچوں کی صحت کو سموگ سے سنگین خطرہ لاحق ہے جس پر قابو پانے کے لیے فضائی آلودگی میں کمی لانے کی فوری اور موثر کوششیں کرنا ہوں گی۔
افغانستان میں طالبان حکمرانوں کی جانب سے عائد کردہ کڑی پابندیوں کے باوجود رواں سال 12,800 ہیکٹر رقبے پر افیون کاشت کی گئی جو 2023 کے مقابلے میں 19 فیصد زیادہ ہے۔
افغانستان میں انسانی حقوق کی صورتحال اقوام متحدہ کے خصوصی نمائندے رچرڈ بینیٹ نے ملک میں انسانی حقوق کی سنگین صورتحال پر شدید تشویش کا اظہار کیا ہے۔ یو این نیوز سے گفتگو کرتے ہوئے انہوں نے کہا کہ اگست 2021 میں طالبان کی اقتدار میں واپسی کے بعد سے ملک میں انسانی حقوق کی پامالی میں اضافہ ہوا ہے اور خصوصی طور پر خواتین اور اقلیتوں کے لیے حالات انتہائی خراب ہو چکے ہیں۔
پاکستان کے صوبہ سندھ میں اقوام متحدہ کے ادارہ برائے اطفال (یونیسف) اور یورپی یونین کے تعاون سے چلائے جانے والے تعلیمی پروگرام کی بدولت سکولوں کے انتظام اور تدریسی عمل کو جدید خطوط پر استوار کیا گیا ہے جس سے 55 ہزار سے زیادہ بچوں کو فائدہ پہنچا۔
اقوام متحدہ کے ادارہ برائے اطفال (یونیسف) نے پاکستان کے صوبہ بلوچستان میں ہونے والے دہشت گرد حملے میں سکول کے بچوں کی ہلاکتوں پر افسوس اور مذمت کا اظہار کرتے ہوئے طلبہ کو تحفظ فراہم کرنے کے لیے کہا ہے۔
