'یکطرفہ جابرانہ اقدامات اور انسانی حقوق' پر اقوام متحدہ کی خصوصی اطلاع کار ایلینا دوہان نے چین پر عائد معاشی پابندیاں اٹھانے کا مطالبہ کرتے ہوئے کہا ہے کہ ایسے اقدامات کو خارجہ پالیسی کے ہتھیار کے طور پر استعمال نہیں ہونا چاہیے۔
اقوام متحدہ کے دفتر برائے انسانی حقوق (او ایچ سی ایچ آر) نے سری لنکا کی حکومت سے کہا ہے کہ وہ گزشتہ کئی دہائیوں سے جبراً لاپتہ کیے گئے ہزاروں لوگوں کے بارے میں معلومات سامنے لائے اور ان کی گمشدگی کے ذمہ داروں کا محاسبہ یقینی بنائے۔
افغانستان کے کئی صوبوں میں آنے والے سیلاب میں 300 سے زیادہ لوگ ہلاک ہو گئے ہیں جبکہ سڑکوں کی تباہی اور ندی نالوں کے بند ٹوٹ جانے کے باعث متاثرہ علاقوں تک امداد پہنچانے میں شدید مشکلات کا سامنا ہے۔
جاپان، ناروے، سویڈن، سوئزرلینڈ اور امریکہ کی حکومتوں کے نمائندوں نے بنگلہ دیش میں روہنگیا پناہ گزینوں کی زندگیوں کو تحفظ دینے کے لیے پائیدار بین الاقوامی مدد کی فوری ضرورت پر زور دیا ہے۔
اقوام متحدہ کے سیکرٹری جنرل انتونیو گوتیرش نے افغانستان میں سیلاب سے ہونے والے نقصان پر افسوس اور متاثرین سے یکجہتی کا اظہار کیا ہے۔ اطلاعات کے مطابق ملک میں تین روز سے جاری شدید بارشوں اور سیلاب میں 300 افراد ہلاک اور سیکڑوں زخمی ہو گئے ہیں۔
اقوام متحدہ کے ادارہ برائے اطفال (یونیسف) نے پاکستان کے علاقے شمالی وزیرستان میں لڑکیوں کے سکول پر حملے کی سختی سے مذمت کرتے ہوئے اسے بزدلانہ اقدام قرار دیا ہے۔
بنگلہ دیش میں حکومت نے گرمی کی شدت میں اضافے سے پھیلنے والی بیماریوں اور قبل از وقت پیدائش میں اضافے کو روکنے کے لیے یونیسف کے تعاون سے خصوصی رہنمائی جاری کی ہے۔
اقوام متحدہ کی جنرل اسمبلی نے پاکستان سمیت آٹھ ممالک کی پیش کردہ قرارداد منظور کرتے ہوئے ہر سال 24 مئی کو مارخور کا عالمی دن منانے کا فیصلہ کیا ہے۔
میانمار میں کام کرنے والی اقوام متحدہ کی ٹیم نے ملک کی تشدد زدہ ریاست راخائن میں گمراہ اطلاعات کے پھیلاؤ اور اظہار نفرت میں اضافے پر سخت تشویش کا اظہار کیا ہے۔
