عالمی ادارہ صحت (ڈبلیو ایچ او) نے بتایا ہے کہ بنگلہ دیش کو ڈینگی بخار نے لپیٹ میں لے لیا ہے۔ بیماری سے بچنے کے لیے ادارے نے مچھروں کی افزائش پر قابو پانے، انہیں بھگانے کے لیے مخصوص مادوں کے استعمال اور پورے بازوؤں والا لباس پہننے کے لیے کہا ہے۔
انسانی حقوق سے متعلق اقوام متحدہ کے مقرر کردہ غیرجانبدار ماہرین نے چین کی حکومت سے کہا ہے کہ وہ تبت سے تعلق رکھنے والے انسانی حقوق کے نو حامیوں کے بارے میں اطلاع فراہم کرے جو 11 سال تک قید کی سزا کاٹ رہے ہیں۔
ناگاساکی پر جوہری بم گرائے جانے کی 78ویں برسی پر اقوام متحدہ کے سیکرٹری جنرل انتونیو گوتیرش نے کہا ہے کہ دنیا کو ایک مرتبہ پھر جوہری جنگ کے خطرے کا سامنا ہے جس پر قابو پانے کے لیے عالمی برادری کو یکجا ہونا ہو گا۔
اقوام متحدہ کے ادارہ برائے اطفال (یونیسف) کے خیرسگالی سفیر اور کرکٹ کے مشہور بلے باز سچن ٹنڈولکر نے بچوں کی تعلیم اور غذائیت کے پروگراموں پر سرمایہ کاری بڑھانے کے لیے کہا ہے کہ تاکہ انہیں اپنی پوری صلاحیتوں سے کام لینے میں مدد مل سکے۔
میانمار کے لیے غیرجانبار تحقیقاتی طریقہ کار (آئی آئی ایم ایم) ملک کی فوج اور اس سے منسلک ملیشیاؤں کے جنگی جرائم اور انسانیت کے خلاف جرائم میں مزید تیزی اور دیدہ دلیری کے ساتھ ملوث ہونے کی موثر شہادت سامنے لایا ہے۔
اقوام متحدہ کے ادارہ برائے اطفال (یونیسف) نے بتایا ہے کہ جنوبی ایشیا میں تین چوتھائی بچوں کو انتہائی شدید گرمی کا سامنا ہے جبکہ عالمی سطح پر ایسے بچوں کی شرح ایک تہائی ہے۔
انسانی حقوق سے متعلق اقوام متحدہ کے ماہرین نے کہا ہے کہ کمبوڈیا میں انتخابات سے قبل کے حالات اور ان کے نتائج انتہائی پریشان کن ہیں جن سے پورے انتخابی عمل کی ساکھ متاثر ہوئی ہے۔
اقوام متحدہ میں امدادی امور کے رابطہ دفتر (او سی ایچ اے) کے مطابق امسال پاکستان میں 25 جون سے 30 جولائی تک مون سون کی شدید بارشوں میں 179 افراد ہلاک اور 264 زخمی ہو گئے ہیں۔
