جرائم کی بین الاقوامی عدالت کے پراسیکیوٹر نے سلامتی کونسل کو بتایا ہے کہ عالمی برادری کی جانب سے عدالت کے جاری کردہ وارنٹ کی تعمیل نہ ہونے اور محاسبے کے فقدان کی وجہ سے سوڈان میں تشدد بڑھتا جا رہا ہے۔
سوڈان اور جنوبی سوڈان کے مابین متنازع علاقے ایبئی میں جاری فرقہ وارانہ فسادات میں پاکستان اور گھانا سے تعلق رکھنے والے اقوام متحدہ کے دو امن اہلکاروں سمیت 50 سے زیادہ لوگ ہلاک ہو گئے ہیں۔
اقوام متحدہ کے سیکرٹری جنرل انتونیو گوتیرش نے متشدد انتہاپسندی کے خاتمے پر زور دیتے ہوئے کہا ہے کہ افریقہ مختصر عرصہ میں عالمی دہشت گردی کا مرکز بن گیا ہے جہاں داعش، القاعدہ اور ان سے منسلک گروہ مقامی تنازعات سے فائدہ اٹھا رہے ہیں۔
عالمی ادارہء مہاجرت (آئی او ایم) نے دنیا سے اپیل کی ہے کہ سوڈان میں بڑھتے ہوئے انسانی بحران سے نمٹنے کے لیے مالی وسائل اور عزم میں اضافہ کیا جائے جہاں خانہ جنگی کو اب دسواں مہینہ شروع ہو گیا ہے۔
اقوام متحدہ کے سیکرٹری جنرل انتونیو گوتیرش نے وسطی جمہوریہ افریقہ میں امن و امان کی صورت حال کو مستحکم بنانے کے مشن (مینوسکا) میں خدمات انجام دینے والے کیمرون کے اہلکار کی ہلاکت پر افسوس کا اظہار کرتے ہوئے اس واقعے کی مذمت کی ہے۔
مغربی افریقہ کے ملک مالی میں قیام امن کے لیے اقوام متحدہ کا مشن ایک دہائی تک کثیرالجہتی کوششوں کے بعد اختتام کو پہنچ گیا ہے۔ ملکی حکومت نے اقوام متحدہ سے 31 دسمبر تک مشن کو واپس بلانے کی درخواست کر رکھی تھی۔
افریقن یونین کے لیے سیکرٹری جنرل کے خصوصی نمائندے پارفیٹ اونانگا۔انیانگا نے سلامتی کونسل کو بتایا ہے کہ اقوام متحدہ اور افریقن یونین کی شراکت کثیرفریقی تعاون کا ستون ہے اور دونوں کے مابین ہم آہنگی حالیہ مسائل سے نمٹنے میں خاص اہمیت رکھتی ہے۔
انسانی حقوق کے بارے میں اقوام متحدہ کے ماہرین نے متنبہ کیا ہے کہ ایتھوپیا میں نسل کشی، جنگی جرائم اور انسانیت کے خلاف جرائم جاری رہنے کا خدشہ ہے۔
اقوام متحدہ کے ادارہ برائے اطفال (یونیسف) نے خبردار کیا ہے کہ مشرقی لیبیا میں آنے والے افریقہ کی معلوم تاریخ کے سب سے تباہ کن سمندری طوفان کے بعد 16,000 بچے بے گھر ہیں جنہیں ہنگامی بنیادوں پر نفسیاتی۔سماجی مدد درکار ہے۔
اقوام متحدہ کے امدادی اداروں نے خبردار کیا ہے کہ تقریباً دو ہفتے پہلے سمندری طوفان ڈینیئل میں بچ جانے والے لیبیا کے ہزاروں لوگوں کے لیے بعد از صدمہ دباؤ اور ذہنی تناؤ ایسا مسئلہ بن گیا ہے جس کا انہیں روزانہ سامنا ہوتا ہے۔
